Tensioni ka karakterizuar ndeshjen Skënderbeu-Kukësi, e luajtur këtë të shtunë në Korçë.

Taku shënoi për të zotët e shtëpisë në minutën e ’36, por Guri balancoi shifrat vetëm 2 minuta nga përfundimi i pjesës së parë.

Ndërkohë, në 45-minutëshin e dytë James çoi sërish në avantazh ekipin e tij. Pak minuta më vonë, vendasit u detyruan të luanin me një lojtar më pak, për shkak se Vangjeli u ndëshkua me kartonin e dytë të verdhë.

Kukësi u përpoq të shfrytëzonte epërsinë numerike, por Skënderbeu arriti t’i bllokonte mirë shtigjet e golit. Veprim ky që acaroi mysafirët, sidomos në minutat e fundit të ndeshjes.

Në përfundim të saj, Skënderbeu mori tre pikë të rëndësishme ndaj kundërshtarit, një pretendent i fortë për titull, duke u shkëputur në kuotën e 28 pikëve. Video nga PanoramaSport.

/Shqiptarja.com
  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera