Tensione në Francë, sindikatat në
protest kundër reformës së punës 

Mesa duket tensionet nuk kanë të sosur në Francë, pas përleshjeve të huliganëve në Marsejë, vrasjes së dy policëve mesa duket tashmë rradha është e sindikatave të cilat kanë bllokuar një pjesë të transportit duke e vështirësuar qarkullimin jo vetëm për shtetasit francez por edhe për turistët dhe tifozët të cilët kanë shkuar në Francë për të shijuar kampionatin e futbollit Euro 2016.

Të paktën 26 persona u plagosën dhe 15 të tjerë u ndaluan gjatë përleshjeve të regjistruara në Paris, ku sindikatat vijojnë të protestojnë kundra reformës së punës. Protestuesit mbajnë kaska në kokë dhe thërrasin Ngrihu Paris. Ata godasin me gurë dhe fishekzjarre forcat e policisë të cilët u përgjigjen me forcë dhe gaz lotsjelles manifestuesve.

Punonjësit e Kullës Eiffel pezulluan punën dhe iu bashkuan protestët. Ata paralajmëruan se vendet përreth saj do të jenë të pasigurta pasi demostrues të shumtë do të mblidhen atje. Manifestime jane shënuar edhe ne vende te tjera si Marseja,Lioni etj. Prej kohësh sindikata, punëtorët,studentët protestojnë për të ndalur reformës e punës e cila sipas tyre favorizon industritë. 






Redaksia Online 
(xh.k/shqiptarja.com)