KOSOVË – Një qytetar serb në Jarinje është shoqëruar në polici sepse ka sulmuar një efektiv në veri të vendit pasi iu kërkua dokumentacioni për të hyrë në Kosovë. Ngjarja ndodhi pasditen e djeshme rreth orës 16:30.
Në pamje duket se efektivi ka marrë shenja në fytyrë nga qytetari serb, i cili nuk kishte dokumentacion për të hyrë në Kosovë dhe pasi shau zyrtarët policor, guxoi edhe të godiste njërin prej tyre.
Zëdhënësi i Policisë, Baki Kelani, për Nacionalen ka thënë se ngjarja ndodhi pasi qytetari serb Nikola Todoroviq nuk pranoi nënshkrimin e dokumentit për hyrje në Kosovë.
“Pas refuzimit për të hy në vendin tonë, i dyshuari N.T., (viti i lindjes 1981, shtetas serb i Serbisë) ka filluar të fyej zyrtarët policorë që ishin në detyrë zyrtare në Pikën e Kalimit Kufitar. Të dyshuarit i është kërkuar nënshkrimi i dokumentit/vendimit për refuzim të hyrjes në vendin tonë. Ai nuk ka pranuar të nënshkruaj atë vendim dhe ka sulmuar njërin nga zyrtarët policor të cilit i ka shkaktuar lëndime trupore.” – tha ai.
Në fund, Kelani ka bërë të ditur se: “Polici i lënduar është dërguar për trajtim mjekësor. Për rastin është njoftuar prokurori, ndaj të dyshuarit është iniciuar rasti ‘sulm ndaj personit zyrtar’ dhe me aktvendim nga prokurori i njëjti dërgohet në mbajtje deri në 48 orë”.
Ndërkohë, e ashtuquajtura Zyrë serbe për Kosovën në reagimin e saj pretendon se personi në fjalë është keqtrajtuar nga Policia e Kosovës.
“Anëtarë të Policisë së Kosovës e kanë ndalur atë për shkak të mungesës së dokumenteve për fëmijët, i kanë larguar fëmijët nga vetura dhe e kanë keqtrajtuar në prani të tyre, dhe kur i ka kundërshtuar, është dërguar në mbajtje.” – thuhej në komunikatë.
Mediat serbe ndërkaq, kanë raportuar se po merret në pyetje Nikola Todoroviq, për të cilin thuhet se është doktor në Mitrovicën e Veriut.
Lajme të tjera
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10 -
Ngrihet aktakuzë në mungesë për krime lufte në Kosovë
23 Dhjetor, 11:01 -
Kapet një sasi e madhe e armëve të ftohta në Prishtinë
23 Dhjetor, 09:44 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Musk konfirmon funksionalizimin e Starlink-ut në Kosovë - çfarë do të thotë kjo?
22 Dhjetor, 11:52 -
Elon Musk njofton: Starlink tashmë është edhe në Kosovë
21 Dhjetor, 21:45 -
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11
