Tensione në veri të Kosovës, rikthimi i ushtrisë serbe? Reagon Mehaj: Nuk do lejohet më veprimi i grupeve kriminale serbe që udhëhiqen nga Beogradi, fundi i kërcënimeve

Ministri i Mbrojtjes së Kosovës, Armend Mehaj ka reaguar pas deklaratave të zyrtarëve serb, për “kërkesën” e tyre për rikthimin e ushtrisë serbe në Kosovë. Me anë të një postimi në facebook ai ka mbajtur të njëjtin qëndrim me kryeministrin Kurti dhe gjithë zyrtarët e tjerë që kanë reaguar për këtë situatë të tensionuar duke thënë se çdo gjë që po ndodh është e papranueshme. Mehaj ka reagur kundër mbështetjes që politika serbe i ka dhënë grupeve kriminale, kjo sipas mendimit të tij dhe thotë se është fundi i periudhës së shantazheve dhe kërcënimeve nga ana e Vuçiç.

“Periudhës së shantazheve dhe kërcënimit, i ka ardhur fundi. Në Republikën e Kosovës nuk do të lejohet më veprimi i grupeve kriminale serbe që udhëhiqen nga Beogradi, e asnjë formë e ilegalitetit që pengon integrimin e komunitetit serb në veri të vendit, dhe që ka për qëllim sabotimin e institucioneve”, shkroi ai në Facebook.

LEXO EDHE:
Këshilli i BE-së merr vendimin, u heq vizat serbëve të Kosovës që kanë pasaporta të Serbisë

Ministri i mbrojtjes në Kosovë ka folur për kërcenimet duke shprehur edhe atdhetarizmin, që sipas tij popullit të Kosovës nuk i ka munguar asnjëherë dhe nuk do mungoj as këtë herë.

“Nuk do të ndodhin problemë ngase nuk do të lejohen asnjëherë. Shteti i Republikës së Kosovës në gjithë gjatësinë e vet territoriale ka burra e gra, pjesëtarë të Policisë e të Ushtrisë, që i dalin për zot në çdo kohë, që e duan atdheun e mbrojnë qytetarët e vet”, ka thënë Mehaj.

Lajmi kryesor:

Serbët sulmojnë EULEX-in, Ambasadat e SHBA në Prishtinë dhe Beograd: Të çmontohen postblloqet! Vuçiç: U zhgënjeva nga amerikanët

F.D/Shqiptarja.com

TAG:
• Armend Mehaj
• kosove