Një sulm kibernetik goditi faqet e agjensive qeveritare ukrainase dhe të bankave kryesore të martën, njoftuan autoritetet ukrainase.
Sulmi, më i fundit ndër disa operacione hakerësh kundër Ukrainës, erdhi pas disa javësh frike në rritje se Rusia mund ta sulmojë këtë vend fqinj. Rusia dërgoi të martën sinjale se mund të jetë duke u tërhequr nga stadi pranë pragut të sulmit, por fuqitë perëndimore kërkuan prova.
Të paktën dhjetë faqe ukrainase ndaluan së funksionuari për shkak të sulmeve kibernetike të llojit DDOS, përfshirë faqet e Ministrisë së Mbrojtjes, Ministrisë së Jashtme, Ministrisë së Kulturës dhe dy nga bankat më të mëdha shtetërore të Ukrainës.
Klientët e bankës më të madhe shtetërore “Privatbank” dhe të bankës tjetër shtetërore “Sberbank” raportuan probleme me pagesat online dhe me aplikacionet e bankave.
"Nuk ka rrezik për fondet e depozituara", tha në një deklaratë Qendra për Komunikimet Strategjike, e Ministrisë ukrainase të Informacionit. Zëvendësministri Victor Zhora konfirmoi sulmin kibernetik.
Ministria sugjeroi se Rusia mund të fshihet pas këtij incidenti, pa dhënë detaje të mëtejshme. "Është e mundur që agresori të ketë përdorur taktika të vogla keqbërjeje, për shkak se planet e tij agresive nuk po funksionojnë", thuhet në deklaratë.
Në mesin e janarit, Ukraina akuzoi Rusinë për autorësinë e sulmit kibernetik që çaktivizoi përkohësisht në të njëjtën kohë rreth 70 faqe interneti të qeverisë ukrainase. Gjatë sulmit të muajit të kaluar, një njoftim i vendosur nga hakerët thoshte se ukrainasit "duhet të frikësohen dhe të presin më të keqen".
Rusia organizoi në vitin 2017 një nga sulmet kibernetike më shkatërrimtare ndaj Ukrainës, duke përdorur virusin “NotPetya”, dhe duke shkaktuar rreth 10 miliardë dollarë dëme në mbarë botën. Virusi, i kamufluar si një program pirat ransomware, ndërkohë fshinte plotësisht rrjete të tëra kompjuterike.
Shtetet e Bashkuara e kanë akuzuar Moskën publikisht se po përgatit sulmin ndaj Ukrainës dhe nënvizojnë se siguria kibernetike vazhdon të jetë një shqetësim parësor.
Komente
Lajme të tjera
-
Ambasadori amerikan Hovenier përfundon mandatin: Po largohem si një mik i fortë i Kosovës
27 Dhjetor, 11:03 -
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Universitetet amerikane u bëjnë thirrje studentëve të huaj të kthehen përpara inaugurimit të Trump
27 Dhjetor, 08:51 -
Ministrat e kryeministrit kanadez Trudeau në Florida për bisedime me ekipin e Trump
27 Dhjetor, 07:57 -
BE: Sanksione të reja ndaj flotës së fshehtë të Rusisë, pas sabotimit të dyshuar të kabullit nënujor
26 Dhjetor, 23:01 -
Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!
26 Dhjetor, 21:13 -
Dyshime për sabotim pas dëmtimit të kabllos nënujore elektrike në Detin Baltik
26 Dhjetor, 21:06 -
Donald Trump tallet përsëri me kryeministrin Trudeau dhe 'emëron' ish-lojtarin e hokejit si guvernatorin e ri të Kanadasë!
26 Dhjetor, 19:08 -
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52
