POP 5

Lajmet më të lexuara të 5 minutave të fundit

Politikë

Tensionet në Këlcyrë, mediat
greke: Incidente serioze

E përditshmja Ekathimerini në Greqi e cilëson këtë një incident serioz në një artikull të publikuar një ditë më parë. Faqja online “aftonomi.gr” fajëson shtetin shqiptar për mosarrestimin e protestuesve, të cilët qëlluan me gurë makinën e ambasadorit grek, Nikolas Pazios.
Makina e amb. grek u qëllua me vezë
VIDEO - Ekathimerini, e cilëson incident serioz
TIRANE - Mediat greke komentojnë si incidente serioze ato të ndodhura dje në Këlcyrë ku përfaqësue të PDIU-së, aktivistë të Aleancës Kuq e Zi por dhe të lëvizjes Vetevendosja dhe Klubit të Patriotëve të rinj hodhën gurë dhe vezë mbi makinën e ambasadorit grek Nikolaos Pazios dhe konsullit të përgjithshëm grek në Gjirokastër, Nikollas Kotrokis, si dhe të kreut të PBDNJ-së, Vangjel Dule.

E përditshmja Ekathimerini në Greqi, e cilëson këtë një incident serioz në një artikull të publikuar një ditë më parë. “Ekathimerini”, komenton se tensionet në Greqi ku ceremonitë përkujtimore u zhvilluan nën praninë e forcave të policië nuk ishin asgjë me ato të shfaqura në Shqipëri, ku mbështetës të partive nacionaliste sulmuan mjetet që tranpsortonin zyrtarë grekë dhe familjarë të ushtarëve të vrarë. Disa iu referuar raportimeve nga Tv Sky “Kathimerini” shkruan, - “Anëtarët e partive nacionaliste shqiptare, të tilla si Aleanca Kuq e Zi hodhën gurë mbi automjetete që tranpsortonin deputetë të parlamentit grekë dhe familjarë të ushtarëvë të vrarë. Policia shqiptare ndërhyri por aktivistët qëndruan dhe vazhdonin thirrjet kundër grekëve” - shkruante dje “Ekathimerini”

Faqja online “aftonomi.gr”, fajëson shtetin shqiptar për mosarrestimin e protestuesve, të cilët qëlluan me gurë makinën e ambasadorit grek, Nikolas Pazios.

“Nacionalistët shqiptarë të cilët ishin mbledhur në ndërtesën kryesore që të çon në varrezat e ushtarëve grekë u përpoqën të ndalonin makinat dhe qëlluan me gurë e vezë makinën e ambasadorit, por fatmirësisht nuk u plagos asnjë.... Policia në vend të ndërhynte dhe të arrestonte protestuesit zgjodhën rolin e vëzhguesit, sikur asgjë nuk po ndodhte”- shkruan "aftonomi. gr". Në media thuhet se ministria e Jashtme greke nuk ka reaguar ndërohë që në festimet në këlcyrë dhe Bularat morën pjesë dhe deputeti i Partisë së Pavarur, Terence Quick, i cili dënoi sulmin ndaj eskortës së ambasadorit grek.

Incidentet u shënuan dje paradite pas ceremonisë përkujtimore, në nder të ushtarëve grekë të rënë në Shqipëri gjatë luftës itali- greke që u zhvillua në memorialin e Shën Nikollës në Këlcyrë. Protestuesit u përpoqën të bllokonin rrugën dhe të ndalonin makinat e autoriteteve greke, por ndërhyrëipolicia. Ata kanë qëlluar me gurë dhe vezë makinat ku ndodheshin zyrtarë grekë.

Shkrimet origjinale ne aftonomi.gr dhe Ekathimerini

(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vrasja e biznesmenit Bujar Nasufi tek 'Pallati me Shigjeta', drejtori i Policisë Tiranë: Janë mbledhur prova shkencore dhe kompjuterike, do t'i sherbejnë hetimit

Vrasja e biznesmenit Bujar Nasufi tek 'Pallati me Shigjeta', drejtori i Policisë Tiranë: Janë mbledhur prova shkencore dhe kompjuterike, do t'i sherbejnë hetimit

15 Janar, 19:48