TIRANË- Politika shqiptare ka reaguar pas tensioneve në veri të Kosovës pas daljes e Listës Serbe nga institucionet në shenjë proteste për kundërshtimin e vendimit për targat. Ministrja e Jashtme Olta Xhaçka e cilëson si akt përshkallëzimi në një kohë kur dialogu është më i nevojshëm se kurrë.
“Të shqetësuar nga zhvillimet në veri të Kosovës. Dalja nga institucionet e Kosovës është një akt përshkallëzimi në një kohë kur nevojitet bashkëpunim dhe dialog konstruktiv. Ky nuk është momenti për të hequr dorë dhe bojkotuar. Ky është një moment kur dialogu nevojitet më shumë se kurrë”, shkroi Xhaçka.
Presidenti Bajram Begaj ka zhvilluar një bisedë telefonike me homologen Vjosa Osmanin, pas tensioneve në veri të Kosovës. Begaj thotë se zgjidhja për konfliktet duhet të vijë përmes dialogut duke patur vëmendjen kryesisht te stabiliteti, por edhe tek integriteti territorial të Kosovës. Presidenti shkruan se duhet të mbetet prioritet integrimi i Kosovës dhe Ballkanit Perëndimor në Bashkimin Europian.
"I shpreha shqetësimin Presidentes Osmani dhe njëkohësisht inkurajova vazhdimin e dialogut mes palëve, duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO", shkruan Begaj.
Reagime ka pasur edhe nga opozita. Ish-kryeministri Sali Berisha shkruan se vendimi për tu larguar është marrë me urdhër të presidentit serb Aleksandër Vuçiç. Sipas tij, Vuçiç është një rrezik serioz për paqen dhe stabilitetin në rajon. Më tej, Berisha shkruan se është për t’u përshëndetur qëndrimi i NATO-s dhe KFOR-it se janë të gatshëm për të ndërhyrë nëse do të ketë përshkallëzim të situatës.
“Ky urdhër nga serbo-madhi dhe luftënxitësi Vuçiç, u dha vetëm sepse qeveria e Kosovës, në zbatim të marrëveshjeve të Brukselit, filloi një zbatim gradual të ndryshimit të targave. Vuçiç i’u përgjigj me kërcënime të hapura, vuri ushtrinë në gatishmëri dhe futi kriminel serb e rus, armatime të shumta në veriun e Kosovës si dhe urdhëroi serbët e Kosovës të largohen nga institucionet e vendit. Të gjitha këto dëshmojnë se Aleksandër Vuçiç, njeriu që e ka vendin në Hagë, është një rrezik serioz, i pakorrigjueshëm, për paqen dhe stabilitetin në rajon", shkruan Berisha.
Kreu i Partisë së Lirisë, Ilir Meta thotë se kjo është një tendencë e presidentit rus Vladimir Putin për të krijuar tensione. Sipas tij, largimi i Listës Serbe me urdhër të Beogradit është një lojë e rrezikshme që rrezikon paqen dhe sigurinë në rajon. Meta u bën thirrje drejtuesve të Kosovës që ta gjejnë zgjidhjen me partnerët ndërkombëtarë.
"Tensionimi i situatës në komunat veriore të Republikës së Kosovës dhe dirigjimi i këtij tensionimi nga struktura kriminale, që komandohen nga Beogradi, është një lojë tepër e rrezikshme për paqen dhe sigurinë në rajon dhe më gjerë", shkruan Meta.
Ndërkohë, deputeti demokrat Kreshnik Çollaku shkroi se largimi i Listës Serbe është dukshëm një projekt serbo-rus për të nxitur një vatër të re konfliktesh në Ballkan.
Në Mitrovicën e Veriut ashtu siç ishte thirrur nga Lista Serbe, për shkak të vendimit të Prishtinës për riregjistrimin e makinave me targa serbe në targat RKS - Republika e Kosovës, u mbajt një protestë. Një ditë më parë, Lista Serbe u largua nga të gjitha institucionet e Kosovës. Ajo është partia më e madhe e serbëve në Kosovë, e cila gëzon mbështetjen e Beogradit zyrtar. Përveç vendimit për targat, krerët e Listës Serbe kanë kërkuar edhe formimin e Asociacionit të komunave me shumicë serbe.
Ministrja e Jashtme Olta Xhaçka ka reaguar për tensionet në veri të Kosovës duke thënë se largimi i Listës Serbe nga institucionet është akt përshkallëzimi.
“Të shqetësuar nga zhvillimet në veri të Kosovës. Dalja nga institucionet e Kosovës është një akt përshkallëzimi në një kohë kur nevojitet bashkëpunim dhe dialog konstruktiv. Ky nuk është momenti për të hequr dorë dhe bojkotuar. Ky është një moment kur dialogu nevojitet më shumë se kurrë”, shkroi Xhaçka.
Pas tensioneve të krijuara në veri të Kosovës, Këshilli i Ambasadorëve Shqiptarë ka reaguar duke thënë se veprimi i policisë së komunitetit serb është veprim kundërligjor, provokues dhe i rrezikshëm. Duke theksuar se e gjitha drejtohet nga Beogradi zyrtar, Këshilli i Ambasadorëve Shqiptarë jep mbështetje për Kosovën dhe bën thirrje për ulje të tensioneve.
“Këshilli i Ambasadorëve Shqiptarë po përcjell me shqetësim zhvillimet në komunat veriore të Republikës së Kosovës, të banuara me shumicë të popullsisë serbe. Refuzimi i zbatimit të urdhërave ligjorë të strukturës drejtuese të policisë së Kosovës, nga eprorët e policisë të komunitetit serb në veri, është veprim jo vetëm kundër ligjor, por dhe provokues e i rrezikshëm.
Në asnjë shtet nuk mund të këtë dy sisteme juridike dhe institucionale paralele. Repubilka e Kosovës është shtet sovran dhe demokratik, që ofron garanci kushtetuese dhe ligjore pakrahasimisht të larta për pakicat etnike.
Tensionimi i situatës në komunat veriore të Repubilkës së Kosovës dhe dirigjimi i këtij tensionimi nga struktura që drejtohen nga Beogradi, është një lojë e rrezikshme. Për më tepër, kur kjo përkon me tendencën e vazhdueshme të Rusisë së Putinit për të përshkallëzuar luftën agresive në Ukrainë.
KASH mbështet çdo veprim të shtetit të Kosovës për të mbrojtur rendin demokratik dhe bën thirrje për ulje të tensioneve. Këshilli i Ambasadorëve Shqiptarë kërkon nga Qeveria e RSH që të qëndrojë haptazi dhe aktivisht në mbështetje të së drejtës legjitime të shtetit të Kosovës për të zbatuar rendin dhe ligjin në tërë territorin e saj.
Shqipëria e ka detyrim kushtetues, moral dhe kombëtar të mbështesë forcimin e pozitës ndërkombëtare të shtetit të Kosovës, sidomos në iniciativa rajonale, si dhe fuqimizimin e brendshëm të saj.
Repubilka e Kosovës dhe Republika e Shqipërisë janë të përkushtuara t’i shërbejnë paqes, stabilitetit, fqinjësisë së mirë dhe agjendave Euro-Atlantike në rajonin tone”, thuhet në reagim.
Pas tensioneve në Kosovë, presidenti Bajram Begaj ka zhvilluar një bisedë telefonike me homologen Vjosa Osmani. Begaj shkruan se është e rëndësishme që të vazhdohet dialogu me Serbinë, duke pasur në vëmendje ruajtjen e paqes, si edhe integritetin territorial të Kosovës.
“Sot zhvillova një bisedë telefonike me homologen Vjosa Osmani, Presidente e Republikës së Kosovës. Gjatë bisedës u informova mbi situatën e tensionuar në Veri të Kosovës dhe kryesisht u ndalëm në dorëheqjen e përfaqësuesve të Listës Serbe në Kosovë nga institucionet shtetërore dhe bllokimin e funksionimit të tyre.
I shpreha shqetësimin Presidentes Osmani dhe njëkohësisht inkurajova vazhdimin e dialogut mes palëve, duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO. Mbetet madhor interesi i integrimit euro-atlantik të Kosovës dhe i gjithë rajonit të Ballkanit Perëndimor”, shkruan Begaj.
Deputeti demokrat Kreshnik Çollaku ka reaguar mbi zhvillimet e fundit të tensioneve në veri të Kosovës. Çollaku u shpreh se ky është një projekt mjaft i qartë serbo-rus dhe se rrezikon një vatër të re konfliktesh në Ballkan.
‘Ne cilesine e anetarit te Komisionit te Politikes se Jashtme ne Kuvendin e Shqiperise, si deputet dhe ne emer te Partise Demokratike bejme te ditur se : Ne po ndjekim me vemendje situaten e krijuar ne Veri te Kosoves dhe aksionin destabilizues te strukturave paralele serbe ne Mitrovice. Ky aktivitet i koordinuar me terheqjen e perfaqesuesve serbe nga institucionet e Kosoves duket qartesisht ne perputhje te plote me Beogradin.
Ky aktivitet deshmon projektin e qarte serbo-rus te hapjes se nje vatre te re konflikti ne Ballkan me synim cenimin e integritetit territorial te Kosoves dhe coptimin e saj. Si anëtar i Komisionit te Politikes se Jashteme te Parlamentit te Shqiperise dhe ne emer te Partise Demokratike ne keto kushte ne sot jemi ne mbeshtetje te plote te Kosoves ,popullit dhe institucioneve te saj.
Ne sot u kerkojme qytetareve dhe insitucioneve te Kosoves qendrime gjakfothta por te vendosura,gjithashtu nje koordinim te plote me partneret strategjike SHBA,BE dhe Nato. Ne i bejme thirrje Qeverise Shqiptare qe te vere ne mbeshtetje te Qeverise e popullit te Kosoves te gjitha kapacitetet diplomatike duke denoncuar politikat luftenxitese te Serbise ne Ballkan.
Sot si ne Kosove dhe ne Shqiperi kerkohet unitet ne qasjet politike dhe strategjike si pjese e interesit kombetar,ne mbeshtetje te Kosoves dhe paqes ne rajon. Serbia sot po sillet si leve e interesave ruse ne Ballkan,ajo sot perben rrezikun kryesor te destabilitetit te rajonit dhe pengese e vertete drejt rruges se integrimit euroatlantik te rajonit tone.’- shkroi Çollaku.
Kreu i Partisë së Lirisë, Ilir Meta ka reaguar për tensionet në Kosovë. Meta thotë se mbështesin cdo vendim të Kosovës për të mbrojtur rendin demokratik dhe kushtetues të vendit.
Meta thotë se largimi i Listës Serbe nga institucionet e Kosovës është një lojë e rrezikshme që rrezikon paqen dhe sigurinë në rajon.
“Tensionimi i situatës në komunat veriore të Republikës së Kosovës dhe dirigjimi i këtij tensionimi nga struktura kriminale, që komandohen nga Beogradi, është një lojë tepër e rrezikshme për paqen dhe sigurinë në rajon dhe më gjerë.
Kjo situatë përkon me tendencën e vazhdueshme të Rusisë së Putinit për të përshkallëzuar luftën agresive në Ukrainë dhe tërheqjen e vëmendjes së opinionit botëror me krijimin e tensioneve dhe vatrave të reja të krizës në vende të ndryshme të botës.
Mbështesim çdo veprim të institucioneve shtetërore të Republikës së Kosovës, për të mbrojtur rendin demokratik e kushtetues të vendit dhe bëjmë thirrje për ulje të tensioneve. Qëndrojmë fuqishëm në mbështetje të së drejtës legjitime të shtetit të Kosovës për të zbatuar rendin dhe ligjin në tërë territorin e Republikës.
Bëjmë thirrje që drejtuesit shtetërorë dhe institucionalë të Kosovës, në bashkëpunim të ngushtë me SHBA, BE dhe NATO të gjejnë zgjidhjen e duhur për problemet ndërmjet Kosovës dhe Serbisë, duke zbatuar marrëveshjet e arritura me ndërmjetësimin e faktorit ndërkombëtar dhe në zbatim të Kushtetutës së Republikës së Kosovës. Të gjithë me vetëpërmbajtje, durim dhe largpamësi duhet t'i shërbejnë forcimit të paqes, stabilitetit, sigurisë dhe perspektivës europiane të shtetit të Kosovës dhe rajonit tonë”, shkruan Meta.
Ish-kryeministri Sali Berisha ka reguar pas vendimit të Listës Serbe për t’u larguar nga institucionet e Kosovës. Berisha shkruan se ky vendim ka ardhur me urdhër të presidentit serb, Aleksanëdr Vuçiç, ndërsa thotë se ai është rrezik për paqen dhe stabilitetin në rajon.
“Një qëndrim për t’u përshëndetur. NATO paralajmëron Vuçiçin: Mos luaj me zjarrin! Do të digjesh!
Presidenti i serbo-madhisë dhe si vllau i Edi Ramës, Aleksandër Vuçiç, urdhëroi dje serbët në Kosovë që të braktisin institucionet shtetërore të vendit, policinë, parlamentin etj.
Ky urdhër nga serbo-madhi dhe luftënxitësi Vuçiç, u dha vetëm sepse qeveria e Kosovës, në zbatim të marrëveshjeve të Brukselit, zbatimin e të cilave gushtin e kaluar qeveria e Kosovës e shtyu edhe për rreth tre muaj dhe tani filloi një zbatim gradual të ndryshimit të targave të makinave të serbëve në Kosovë, nga targa të Serbisë në targa të Republikës së Kosovës. Ndaj këtij akti të qeverisë së Kosovës, Vuçiç i’u përgjigj me kërcënime të hapura, vuri ushtrinë në gatishmëri dhe futi kriminel serb e rus, armatime të shumta në veriun e Kosovës si dhe urdhëroi serbët e Kosovës të largohen nga institucionet e vendit.
Të gjitha këto dëshmojnë se Aleksandër Vuçiç, njeriu që e ka vendin në Hagë, është një rrezik serioz, i pakorrigjueshëm, për paqen dhe stabilitetin në rajon. Ndaj këtyre qëndrimeve dhe luftënxitëse reagoi dje Zv/Sekretari i Përgjithshëm i NATO-s, duke ia bërë të qartë Vuçiçit se Aleanca e Atlantikut të Veriut ishte e gatshme të ndërhynte në mbrojtje të Kosovës dhe stabilitetit të saj.
Partia Demokratike mbështet plotësisht dhe përshëndet qëndrimin e NATO-s si dhe dënon me ashpërsinë më të madhe përpjekjet e “Putinit të vogël” për të ndezur konflikt të ri në rajon. Ajo paralajmëron serbo-madhin Vuçiç se ëndrrat e tij të “Serbisë së Madhe” janë varrosur njëherë e përgjithmonë në Kosovë dhe se ndaj çdo akti agresioni të tij, shqiptarët do të reagojnë si komb i vetëm”, shkruan Berisha.
Komente
Lajme të tjera
-
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
PD ‘mosbindje civile’ me orar, bllokojnë rreth 3 orë 5 kryqëzimet e Tiranës! Deputetët përplasen me policinë, shpërndahen me ujë e gaz (VIDEO)
26 Nëntor, 08:50 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
Realisht,ishte keq qe ishin keta,dikur vrastare,tash "mbrojtes" te ketij populli, dhe bartnin kete uniforme te Reepublikes Kosoves, Zhveshja injorante e poshtruese, eshte e natyrshme me qenjen e tyre kombetare, morale e shpirterore.
PërgjigjuShyqyr qe e hape gojen o bake...te gjithe shqiptaret e kuptojne se hapja e gojes tende behet e mundur vetem me lejen e bablokut gjithollog.
PërgjigjuTy kodoshKoministi Salih,të kanë dhënë vijen e sjelljes që para 1990 që të shash e nëmësh Millosheviçin e deri kete Vuçiqin e Edvinit Tend te permallshem,e nga ana tjeter te jesh siguria e politikes tyre ne Shqiperi e Balkan....dhe ti e zbaton me perpikmeri e devotshmeri detyren qe te eshte dhene.
PërgjigjuJu dy plehra e ushqeni vete dhe mbi te gjitha, ferkoni duart. Ujku mjegull do. Ju shofte fara te dyve
PërgjigjuKush eshte ky I gjithdituri Collaku, kujt I perket, ikni o leckamana. Sa te jet Ed Rama ska lufte me ballkan o budallej, Z.Rama per keto dite te veshtira eshte investuar por kujt ti thuash rublave.
PërgjigjuPlan i mirenduar nga aleati i rublave. Tensione ne kosove dhe trazira ne shqiperi. Nuk mund te quhet me koincidence.
PërgjigjuFilluan korbat krokamën patriotike,ju vjen era kërmë....
PërgjigjuO berish je qe je dergoi dhe nje dore nafte, se nuk behet gjema
Përgjigju