Tensionet Rusi-Ukrainë, a do mundet 'Dhelpra e Argjendtë' të bind Putin për arritjen e një marrëveshje?

Wendy Sherman, një nga diplomatet më të fuqishme në botë, e cila njihet edhe me nofkën “Dhelpra e Argjendte” do të jetë pjesë e bisedimeve SHBA-RUSI për tensionet e në Ukrainë. Epiteti “Dhelpra e Argjendtë” ju vendos për shkak të flokëve të bardhë dhe mënyrën e stilit të saj të zgjuar për të arritur marrëveshje të vështira.

72-vjeçarja Sherman, zv.sekretare e Departamentit të Shtetit Amerikan, një prej pozicioneve kryesore të këtij departamenti, ka takuar disa zyrtarët rusë këtë javë për të diskutuar rreth Ukrainës.

Zyrtarët amerikanë shpresojnë të qetësojnë situatën e tensionuar përmes negociatave me rusët dhe për këtë kanë vënë në përdorim aftësitë negociuese të Sherman.

E njohur në Uashington për mënyrën e saj të mprehtë, ajo ka një histori të trajtimit të temave të vështira. Nën presidentin Bill Clinton, ajo u përpoq të përpunonte një marrëveshje me koreano-veriorët për të ndalur përpjekjet e tyre për të ndërtuar armë bërthamore.

Në vitin 2011 mur Obama ishte në detyrë, ajo mori pjesë ne negociata për bisedimet bërthamore me Iranin, ku ndihmoi në arritjen e një marrëveshjeje historike bërthamore midis Iranit dhe SHBA, Britanisë së Madhe, Francës, Kinës, Rusisë dhe Gjermanisë  në 2015. Ishin pikërisht iranianët që i vendosën nofkën “Dhelpër”. Vetë Sherman tha se fakti i të qenit grua nuk ishte pengesë për përparimin e saj në dhomën e negociatave edhe pse Republika Islamike e Iranit ka rregulla strikte për ndërveprimet midis burrave dhe grave.

Këtë javë, ajo do të vërë në provë aftësitë e saj. Negociatat me rusët kanë qenë veçanërisht rraskapitëse dhe të vështira, ndërsa “Dhelpra e Argjendtë” do të takohet sërish në Bruksel.

Rusia kërkon garancinë që NATO nuk do të zgjerojë forcat e saj drejt Lindjes dhe se Ukraina nuk do të bashkohet një ditë me Aleancën e Atlantikut të Veriut.  Presidenti Vladimir Putin ka vendosur rreth 100,000 trupa ruse pranë kufirit me Ukrainën, duke shkaktuar frikën e përshkallëzimit të tensioneve.

TAG:
• nato
• SHBA
• Rusi
• ukraine
• Wendy Sherman