Tensionet SHBA-BE, PE 'rrëzon'
ambasadorin amerikan në Bruksel

 “Jemi të gatshëm të dëgjojmë këshilla dhe kritika, por nuk i nënshtrohemi askujt ,nuk marrim urdhëra nga askush, nuk jemi të gatshëm të pranojmë fyerje nga persona që ndoshta nuk e njohin Bashkimin Europian dhe Parlamenti europian persona të tillë nuk i mirëpret” është ky komenti i presidentit të Parlamentit europian Antonio Tajani  rreth mundësisë se Ted Malloch mund të jetë ambasadori i ri amerikan në Bruksel.

Ndër të tjera Tajani u shpreh se SHBA mbeten partneri më i madh i Europës në nivel botëror dhe se palët janë miq përtej presidentëve.

Gjatë një forumi theksoi se po prêt lëvizjet e para të administratës Trump mbi Europën në mënyrë që të krijojë edhe një gjykim.

Sipas presidentit të Parlamentit Europian është e rëndësishme që të evitohet takimi  'kokë më kokë'  i Trump me shtete e BE.

Takimet veçmas me vendet anëtare të unionit prekin marrëveshjet tregtare dhe biseda të tilla janë parë si mënyra që mund të sjellin përçarjen e BE-së.

Duke folur më pas për NATO-n një temë aq shumë e lakuar nga presidenti Trump, Tajani shpjegoi se Aleanca është një instrument  i pazëvendësueshëm për të garantuar sigurinë komplekse në Europë dhe në Perëndim por mbi të gjitha është e rëndësishme që BE të hedhë hapa para në mbrojtjen e përbashkët.


Redaksia Online
e.m/Shqiptarja.com