Tentoi ti jap fund jetës para SPAK, reagon Prokuroria e Posaçme: Kërkoi takim me një nga hetuesit e BKH

SPAK ka reaguar lidhur me incidentin e sotëm, ku 63 vjeçari, Pal Trashaj, nga Lezha piu lëndë helmuese para ambienteve të Prokurorisë së Posaçme.

Në reagim shkruhet se ai kërkoi takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022.

Njoftimi i SPAK:

Në lidhje me incidentin e sotëm të qytetarit Pal Trashaj të ndodhur jashtë Prokurorisë së Posaçme, institucioni ynë i uron z. Trashaj shërim të shpejtë! Sqarojmë se qytetari në fjalë është paraqitur tek oficeri i informacionit dhe ka kërkuar takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022. 

Më pas oficeri i informacionit ka bërë me dije qytetarin të presë sa të njoftojë hetuesin e çështjes mbi kërkesën e tij. Ndërkohë që oficeri i informacionit ka marrë kontakt me hetuesin e çështjes, qytetari ka dalë jashtë në oborr, duke mos ardhur për të marrë përgjigje. 

Pas disa orësh, jashtë ambienteve të SPAK, janë parë shërbimet spitalore të urgjencës dhe aty është mësuar rreth veprimit të ndërmarrë nga z. Trashaj. Institucioni ynë ka bërë menjëherë verifikimet rreth këtij incidenti për të sqaruar çdo veprim të punonjësve të tij. Prokuroria e Posaçme, garanton se do t’i përgjigjet në kohë çdo qytetari me korrektësi dhe në zbatim të ligjit për çështje që janë në kompetencën e saj.

Lajmi kryesor:

Tentoi t’i japë fund jetës para SPAK, 63 -vjeçari rëndë në QSUT! Kredia iu kthye në borxh 4.8 mln lekë! Prokuroria e Posaçme: Kërkoi takim me një hetues të BKH (VIDEO)

S.B/Shqiptarja.com

TAG:
• mikrokrediti
• pal trashaj
• spak