POP 5

Lajmet më të lexuara të 5 minutave të fundit

Kronikë

Tentuan të kalojnë në Kosovë 18
afganë, kapen në Kukës trafikantët

Policia e Kukësit ka vënë në pranga sot 6 persona të cilëve iu janë gjetur në automjetin e tyre 18 afganë të cilët kanë tentuar që ti kalonin në kufirin e gjelbër Shqipëri-Kosovë.
Policia e Kukësit ka vënë në pranga sot 6 persona të cilëve iu janë gjetur në automjetin e tyre 18 afganë të cilët kanë tentuar që ti kalonin në kufirin e gjelbër Shqipëri-Kosovë.

Sipas policisë në afganët kanë qenë duke udhëtuar me automjetet e trafikantëve, kur janë kapur nga efektivët blu në afërsi të tunelit të Kalimashit, pas operacionit të koduar ‘Kalimashi”.

Policia e Kukësit bën me dije se, në pranga kanë rënë: Egzon Tusha, 22 vjeç, Liridon Duraku, 20 vjeç, Hamid Rahmani, shtetas afgan, 44 vjeç,Ndriçim Duraku, 26 vjeç, Shkëlzen Duraku, 39 vjeç dhe Admir Ademaj, 28  vjeç.

Ja njoftimi i policisë së Kukësit
Arrestohen në flagrancë 6 shtetas, për  veprat penale” Ndihma për kalim të paligjshëm të kufijve”, dhe “Organizata Kriminale”.
Më datë 01.07.2016 nga Sektori për Hetimin e Narkotikëve & Trafiqet në D.V.P, Kukës në bashkëpunim me Sektorin per Narkotiket dhe Trafiqet ne DPSH si dhe forcat Operacionale të DPSH, u finalizua me sukses operacionin Policor "Kalimashi", në kuadër të procedimit penal Nr.78, të rregjistruar nga Prokuroria Pranë Gjykatës së Shkallës së Parë për Krimet e Rënda Tiranë.
Si rezultat i punës profesionale hetimore u bë i mundur dokumentimi i veprimtarisë kriminale të kontrabandimit të shtetasve që vijnë nga Lindja e Mesme që hyjnë në Shqipëri ilegalisht  nëpërmjet kufirit jeshil me shtetin grek dhe nga Shqipëria në  drejtim të Kosovës  duke i kaluar nëpërmjet kufirit të gjelbër me Kosovën me destinacion BE.
Në këtë kuadër  u bë arrestimi në flagrancë i shtetasve:
1-Egzon Tusha, 22 vjeç, banues në Morinë, Kukës.
2-Liridon Duraku, 20 vjeç, banues në Morinë, Kukës.
3-Hamid Rahmani, shtetas afgan, 44 vjeç, banues ne Afganistan.
4-Ndriçim Duraku, 26 vjeç, banues në Morinë, Kukës.
5-Shkëlzen Duraku, 39 vjeç, lindur në Kukës dhe banues në Tiranë.
6-Admir Ademaj, 28  vjeç, banues në fshatin Bardhoc, Kukës.
Arrestimi i shtetasve u bë pasi nga shërbimet operacionale të Drejtorisë së Policisë së Shtetit në bashkëpunim me forcat e Drejtorisë Vendore të Policisë Kukës, në vendin e quajtur  “Rruga e  Kombit”,  në dalje të tunelit  të Kalimashit, me drejtim lëvizje Tiranë -Kukës, shtetasit e mësipërm në bashkëpunim me njëri- tjetri,  janë kapur në flagrancë, duke transportuar 18 shtetas të dyshuar afganë,  me automjetin mikrobuz tip “Volsëagen”, me targë AA 658 NC, të cilët  nepërmjet kufirit të gjelbër do t'i kalonin në Kosovë, me destinacion BE.
Materialet do t'i  kalojnë Prokurorisë Pranë Gjykatës së Shkallës Parë për Krimet e Rënda Tiranë, për  veprat penale” Ndihma për kalim të paligjshëm të kufijve”, dhe “Organizata Kriminale”, parashikuar nga nenet 298/2 dhe 333 të Kodit Penal.

Redaksia Online
(F.T/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore

12 Janar, 15:49