POP 5

Lajmet më të lexuara të 5 minutave të fundit

Kronikë

Tentuan të trafikonin drejt Italisë 13 kg heroinë të fshehura në autobusin e linjës ‘Durrës-Milano’, arrestohet pronari dhe shoferi i mjetit (EMRAT)

Dy persona janë arrestuar nga policia në Portin e Durrësit pas zbulimit të më shumë se 13 kilogramëve heroinë të fshehura në autobusin me destinacion Italinë. Në pranga kanë rënë Mikel Pici, 32 vjeç, banues në Rrogozhinë, pronari i firmës së linjës së autobusëve  “Durrës-Milano” dhe Piro Rushi, 57 vjeç, banues në Fier, drejtuesi i autobusit ku u gjet lënda narkotike.

Dy persona janë arrestuar nga policia në Portin e Durrësit pas zbulimit të më shumë se 13 kilogramëve heroinë të fshehura në autobusin me destinacion Italinë. Në pranga kanë rënë Mikel Pici, 32 vjeç, banues në Rrogozhinë, pronari i firmës së linjës së autobusëve  “Durrës-Milano” dhe Piro Rushi, 57 vjeç, banues në Fier, drejtuesi i autobusit ku u gjet lënda narkotike.

Gjatë një kontrolli të imtësishëm forcat e policisë kanë gjetur të fshehura në pjesën e pasme të autobusit, 26 pako të mbështjella me natriban, brenda të cilave kishte lëndë narkotike të dyshuar heroinë me peshë totale 13 kilogramë e 750 gramë, e cila u sekuestrua në cilësinë e provës materiale.

Në momentin e arrestimit, pronarit të linjës së autobusëve 'Keli Travel', Mikel Picit, iu gjet edhe një dozë e lëndës narkotike ‘kokainë’. Në kuadër të operacionit u sekuestruan edhe 8 telefona celularë, ndërsa vijojnë hetimet për zbulimin e personave të tjerë të cilët mund të jenë të përfshirë në këtë veprimtari kriminale.

Ndaj dy të arrestuarve rëndojnë akuzat për veprat penale “Trafikimi i lëndëve narkotike”, kryer në bashkëpunim dhe “Prodhimi dhe shitja e narkotikëve”.

B.V/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • durres: 01/05/2023 09:07

    amon se vetem keli te gjithe kete pune bejne se nuk ka mundesi te beje rrugen me 2 pasagjagjer.

    Përgjigju
  • Gimi: 01/05/2023 05:47

    Ky Keli dhe transport lekësh bën nga Milano në shqipëri për llogari të një grupi shumë krimnal, pjesë e të cilit është ndër të Tjerë dhe Fatjon Murati, policia le të hetoje e dalë mëse e provuar.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24