TEPELENE- Një 55-vjeçar nga Tepelena i cili po gjuante peshk me gjenerator ka humbur jetën pasi ka rrënë në kontakt me korrentin. Ngjarja ka ndodhur në lumin Drino, poshtë fshatit Hormovë të rrethit të tepelenës, rreth orës 15.00 të së dielës.
 
Astrit Hasa, nga pakujdesia ka rënë në kontakt me korrentin që prodhonte gjeneratori dhe si pasojë ka gjetur vdekjen.
 
Pavarësisht ndihmës së dhënë nga disa persona që laheshin në lumë, 55-vjeçari, Astrit Hasa, ka gjetur vdekjen e menjëhershme.
 
Në vendngjarje ka mbërritur grupi hetimor, dhe po kryen veprimet për zbardhjen e plotë të rrethanave të ngjarjes.

Redaksia Online
(e.s/shqiptarja.com)