Tepelenë, Rama prezanton projektet: Sfida jonë, si t'i mbajmë këtu turistet e bukura suedeze

“Të na rroj sa malet, ky burri këtu. Ky po i bën të gjitha”. Me këto fjalë i është drejtuar kryeministrit Edi Rama, kryebashkiaku i Tepelenës, Tërmet Peçi.

Gjatë prezantimit të projekteve të qeverisë për zhvillimin e Tepelenës, Peçi ka thënë se Rama do i realizojë të gjitha ato që ka premtuar. Ai e ka falënderuar kryeministrin publikisht disa herë.

Të na rroj sa malet, ky burri këtu. Ky po i bën të gjitha. Po ka burrë nëne që ka vënë dorë je vetëm tij. Ti shprehim falënderimet e përzemërta me një duartrokitje shokut Edi Rama. 

Tërmet Peçi, kryetar i Bashkisë së Tepelenës

Por edhe kryeministri Rama ne fjalën e tij, nuk la pa e komentuar kryebashkiakun e Tepelenës, madje edhe duke e thumbuar per kushtet e pallatit te sportit qe ka ndertuar se fundmi.

I them 100 herë mos e tepro me këto fjalët që thua për mua. Por ai është i vendosur dhe s'kam ç'i bëj. Në fund i del llogaria, i merr votat me ato që thotë për mua. Më vjen shumë mirë dhe ju falënderoj shumë që qëndruat këtu. Ma kishte thënë Tërmeti që do ta bëjmë pa ngrohje- ftohje sallën se kur është diell do futemi që do dobësohemi. Funksionon shumë mirë dhe duhet shënuar atje "Tërmet: Lodra me dorë dhe sauna dhe përdoret sipas rastit". Që do thotë se do më vijë menjëherë tani projekti i ngrohje- ftohjes së kësaj salle.

Edi Rama, kryeministër

Kryeministri Edi Rama nuk i kursen fjalët e mira për kryebashkiakun e Tepelenës, Tërmet Peçi.

Në fjalën e tij gjatë prezantimit të projekteve zhvilluese, Rama tha se posteri gjatë zgjedhjeve në këtë bashki ishte: "Tërmeti e vetmja rrugë për Tepelenën", ndërsa kundërshtarët, sipas tij, mendonin se Tërmeti do të shkatërronte qytetin.

Rama rrëfeu edhe një moment tjetër, bisedën me Tërmet Peçin kur ai i kishte kërkuar mbështetje nga qeveria për financimin e disa projekteve, ndër to ndriçimin e rrugëve të qytetit.

Faleminderit për mikpritjen tuaja. Faleminderit grave dhe vajzave që janë këtu të pranishme. Dhe më bën gjithmonë përshtypje që kur vij këtu ka shumë vajza dhe gra q marrin pjesë në takime, dhe duket se pushtetin e vërtetë e kanë ato.

Qëlloi pak si çuditshme, pas thoshte posteri: Tërmeti e vetmja rrugë për Tepelenë. Për shumëkënd kjo mund të përktheje dhe u përkthye.  Erdhi dita e qametit dhe shkatërrimit të Tepelenës nga Tërmeti. Ishte e pamundur të ecje në këmbë në këtë zonë, pa drita dhe në rrugët me gropat. Edhe vet Tërmeti më pati thënë; Aman komandant të vëmë dritat se po gjejmë dhe shtëpinë tonë me të pyetur.

Edi Rama, kryeministër

E mbani mend palestrën e famshme nga një shkollë e mesme në Tepelenë ku kryeministri Edi Rama ishte pikturuar si basketbollist? Ideja kishte qenë e kryebashkiakut Tërmet Peçit.

Rreth një vit më pas është vetë kryeministri Edi Rama i cili sheh veten të pikturuar në muret e palestrës. Në të njëjtin vend kreu i qeverisë zhvilloi sot një takim me drejtorët dhe prezantoi projektet për zhvillimin e turizmit.

Në rininë e tij kryeministri Edi Rama ka luajtur basketboll dhe kjo është parë nga ideatorët tepelenas si një formë shpërblimi për kreun e qeverisë për rikonstruksionin e gjimnazit të qytetit.




(Kryeministri Edi Rama i pikturuar si basketbollist në muret e palestrës)