Dridhjet u ndien edhe në Abruzzo në Marche, Lazio dhe Romë.
Pas goditjeve më të forta , jane shënuar dhe lëkundje të tjera por më të vogla. Mediat italiane raportojne se janë rregjistruar disa dëme në banesa ne zonen e Amatrices e cila po ashtu vuan pasojat e te ftohtit dhe debores e për këtë arsye edhe situata vështirësohet.
Një person është nxjerrë pa jetë nga gërmadhat në a Castel Castagna, Teramo. Është i moshës 83 vjeç dhe vdiq pasi e zuri poshtë stalla e shembur.
Një tjetër është zhdukur, pasi është përpirë nga një rrëshqitje dheu në Ortolano.
Në Castiglione Messer Raimondo, në provincën e Teramos, zjarrfikësit kanë nxjerrë nga gërmadhat e shtëpisë një 33-vjeçare dhe një 17-vjeçar. Kanë probleme me hipoterminë, me gruan në gjendje më të rëndë.
Shumë banorë kanë bërë thirrje se janë bllokuar nga dëbora dhe nuk arrijnë të dalin.
Për shkak të tërmetit dëbora ka bllokuar shumë rrugë duke vështirësuar edhe kalimin e ndihmave.
Të gjitha rrugët të cilat lidhin Romën, Aquila dhe Teramo janë mbyllur për 2 orë.
Ndërsa në Abruzzo trenat kanë ndaluar vijimin e udhëtimit ndërkohë janë mbyllur edhe stacionet hekurudhore. Në kryeqytetin Italian raportohet se janë evakuar edhe shkollat dhe muzete.
Në Romë shumë prej qytetarëve kanë dalë të frikësuar në rrugë ndërsa të shumta kanë qënë telefonatat në shërbimin e emergjencave për të kërkuar informacion.
Si pasojë e lëkundjeve është shembur edhe këmbana e Kishës Shën Agostino në Amatrice.
Në fakt këmbana kish pësuar dëmtime serioze nga tërmeti i 24 gushtit por kjo goditje e re e tokës e shembi totalisht.Kujtojmë se Aquila dhe Amatrice janë një nga zonat më të prekura nga tërmetet ku janë shënuar edhe një numër i madh viktimash.
Në fund të gushtit të viti që lamë pas, tërmeti katastrofik që goditi italinë e pikërisht këto zona u mori jetën rreth 200 personave duke i shndërruar provincat në gërmadha ku edhe sot rindërtimi duket i vështirë.
[gallery]20624[/gallery]
redaksia online
e.m/Shqiptarja.com
![](https://www.shqiptarja.com/template/img/sh_logo1.png)