Tërmeti në Turqi e Siri, Berisha: Shpreh ngushëllimet, kërkoj shtimin e ndihmave nga Shqipëria

Ish kryeministri Sali Berisha ka shprehur ngushëllimet për viktimat e tërmetit në Sarandë dhe Siri. Berisha kërkoi shtimin e ndihmës nga Shqipëria.

"Tërmet me pasoja kataklizmike!

LEXO EDHE:
Presidenti Begaj viziton Mirditën për të promovuar turizmin

Të dashur miq, tërmeti që godit Turqinë qendrore dhe Sirinë verilindore ishte një kataklizëm e vërtetë. Numri i viktimave të këtij tërmeti arriti në të paktën 34.179 të dielën. Numri i të plagosurve është shumë më i madh.

Ky ishte tërmeti më vdekjeprurës për Turqinë, që nga viti 1939. Edhe dje, pas 6 ditësh, ekipet e kërkim-shpëtimit kanë nxjerrë nga rrënojat disa të mbijetuar. Ndihma të mëdha kanë shkuar nga e gjithë bota.

Ndonëse Shqipëria dërgoi ekip kërkim-shpëtimi dhe ndihma në Turqi, këto nuk ishin në lartësinë e duhur dhe në detyrimin tonë ndaj një vendi fqinj dhe mik.

Dhe njëherë shpreh ngushëllimet e mia më të ndjera familjeve të viktimave të këtij tërmeti kataklizmik dhe lutem për shërimin e shpejtë të të plagosurve.

Gjithashtu kërkoj shtimin e ndihmave të Shqipërisë për kapërcimin e pasojave të tmerrshme të tërmetit."- shkruan Berisha. 

Lajmi kryesor:

Sot ditë zie kombëtare! Shqipëria nderon viktimat e tërmetit në Turqi e Siri! Rama ndez qirinj nga kryeministria, qytetarët homazhe në të gjithë vendin

G.MO/M.Q./Shqiptarja.com

TAG:
• Bajram Begaj
• dite zie
• termet i fuqishem ne turqi