POP 5

Lajmet më të lexuara të 5 minutave të fundit

Kronikë

Tërmeti, nisin matjet për rindërtimin e shtëpive të dëmtuara në Ndroq dhe Kashar

Kanë filluar matjet për rindërtimin në një kohë sa më të shkurtër të banesave të dëmtuara nga tërmeti.

Tërmeti, nisin matjet për rindërtimin e shtëpive të dëmtuara në Ndroq dhe Kashar

Shtëpitë e dëmtuara nga tërmeti kanë filluar që të rindërtohen. Menjëherë pas vizitës së kryebashkiakut Erion Veliaj në familjet e Shpëtim Dardhës në “Lagjen e Re” në Ndroq dhe më familjen e Fiqiri dhe Kimete Lamit nga fshati Mazrek në Kashar, kanë filluar matjet për rindërtimin në një kohë sa më të shkurtër të banesave të dëmtuara nga tërmeti.

Sikurse shihni edhe nga këto foto, grupet e punës të përbërë nga ekspertë të ndërtimit, urbanistë dhe përfaqësues të Njësisë Administrative në Ndroq dhe në Mazrek kanë filluar matjet e nevojshme në mënyrë që të nisë sa më shpejt edhe hedhja e themeleve të reja për rindërtimin e tyre. Kryebashkiaku Veliaj theksoi se për banesat e dëmtuara nga tërmeti, do të ketë edhe një procedurë të lehtësuar për marrjen e lejes dhe shmangie të taksave në mënyrë që gjithçka të jetë gati sa më shpejt.  Kompani të ndryshme i janë bashkuar në këtë iniciativë Bashkisë së Tiranës duke marrë përsipër që të rindërtojnë në kohë rekord banesat e dëmtuara.

Pas tërmeteve të vazhdueshme që u ndjenë në Tiranë, të gjitha ekipet e emergjencës së Bashkisë së Tiranës janë në terren për çdo rast të raportuar, për evidentimin e dëmeve dhe nisjen menjëherë nga puna për rikuperimin e tyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16