Terror në Francë. Një person sulmoi sot me thikë disa persona mes tyre disa fëmijë që po luanin pranë një liqeni në Alpet franceze. Të plagosur nga sulmi me thikë kanë mbetur 6 persona mes tyre 4 fëmijë.
Sulmuesi, Abdalmasih H., është një azilkërkues 31-vjeçar, i cili u deklarua "i krishterë nga Siria" dhe u arrestua nga policia, konfirmoi ministri i Brendshëm Gerald Darmanin.
Në momentin e sulmit autori kishte thirrur “Në emër të Jezusit".
Të 4 fëmijët e plagosur janë në gjendje "shumë të rënda", njoftoi prokurorja Line Bonet-Mathis në një konferencë shtypi.
Dy fëmijë janë, vëlla e motër të moshës 2 dhe 3 vjeç, një djalë holandez 22 muajsh dhe një vajzë angleze 3 vjeçe, të cilët ndodheshin në qytezën Annecy për turizëm.
I plagosur ka mbetur edhe një i moshuar, gjyshi i cili ndodhej në park me nipërit e tij. Sipas raportimeve të mediave, 37 persona janë në gjendje shoku pasi kanë parë skenën dhe po ndiqen nga personeli shëndetësor vendas.
Dëshmitarët treguan se sulmuesi filloi të "kërcej", më pas "të bërtiste" dhe "iu drejtua karrocave, duke goditur me thikë, në mënyrë të përsëritur”
Eleanor Vincent ishte dëshmitare e skenës së tmerrit që ndodhi vetëm pak orë më parë në Annecy të Francës.
Ajo e përshkroi skenën e sulmit si një përmbledhje momentesh "kaotike", pasi oficerët mbërritën në vendngjarje me mitralozë.
Dëshmitarja që pa ngjarjen, tha gjithashtu se çdo gjë ndodhi shumë shpejt dhe ndërhyrja ishte shumë intensive.
Sa i përket momentit të arrestimit të autorit 31-vjecar ajo tha se nuk ishte në gjendje të shihte momentin e arrestimit sepse zona ishte e rrethuar.
“Policia erdhi me shpejtësi të paparë në vendngjarje .Ishte një moment shoku, ishte një moment tmerri. Njerëzit këtu janë me pushime”, tha ajo.
Gjashtë persona, përfshirë katër fëmijë, janë plagosur në një sulm me thikë në Francën juglindore
Mediat franceze raportojnë se katër fëmijët e plagosur janë rreth moshës tre vjeç dhe dy prej tyre dhe një burrë janë në gjendje kritike për jetën.
Sulmi i tmerrshëm ndodhi në orët e para të mëngjesit, në një park buzë liqenit në Annecy, ku disa fëmijë kishin dalë si çdo ditë shëtitje me kujdestarët e tyre.
Siç raportohet nga mediat franceze, një burrë 31-vjeçar është afruar dhe ka goditur me thikë fëmijët, më pas ai është larguar nga vendi i ngjarjes dhe ka sulmuar një të moshuar që po ecte aty pranë.
Në këtë moment policia ka ndërhyrë, dhe sulmuesi është qëlluar për tu neutralizuar.
Autori 31-vjeçar, është një shtetas sirian i cili prej kohësh po kërkonte statusin e refugjatit.
Foto nga vendi i ngjarjes
Presidenti francez Emmanuel Macron ka reaguar menjëherë për sulmin me thikë që ka ndodhur ndaj gjashtë personave, në mesin e tyre katër fëmijë, në qytetin alpin Annecy në juglindje të Francës.
Përmes një postimi në Twitter, Macron e ka konsideruar sulmin e autorit si një akt prej ‘frikacaku’.
Ai gjithashtu tha se fëmijët dhe të rriturit që u sulmuan janë në gjendje kritike për jetën, ndërkohë që e gjithë Franca është tronditur nga lajmi.
"Kombi është në shok! Mendimet tona janë me të lënduarit si dhe me familjet e tyre dhe shërbimet e urgjencës", tha Presidenti francez Emmanuel Macron.
Parlamenti francez
Një sulm me thikë ndaj disa personave, duke përfshirë një numër fëmijësh rreth tre vjeç ka ndodhur pak orë më parë në një qytet alpin në Francën juglindore.
Deri më tani gjashtë persona, përfshirë katër fëmijë, janë plagosur në një sulm me thikë në Francën juglindore.
Dy prej fëmijëve raportohet se janë në gjendje kritike për jetën, ndërsa autori një azilkërkues sirian është vënën në pranga.
Për këtë ngjarje të paprecedent, parlamenti francez ka reaguar gjatë seancës plenare dhe ka mbajtur 1 minutë heshtje.
Në foto tregohen përfaqësuesit e parlamentit francez duke mbajtur një minutë heshtje për viktimat e sulmit në Annecy.
Komente
Lajme të tjera
-
Emmanuel Macron dëshiron të kalojë në futboll, kandidat në zgjedhjet e ardhshme të FIFA-s?
25 Dhjetor, 13:51 -
U shkrumbua nga zjarri i 2019/ 'Notre-Dame de Paris' pret meshën e parë të Krishtlindjeve
25 Dhjetor, 12:48 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Kryeministri i ri francez: Do bëj të pamundurën të bashkoj vendin
24 Dhjetor, 15:31
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Francë/ Formohet qeveria Bayrou, mes ministrave ish-kryeministrat Valls dhe Borne
23 Dhjetor, 19:21 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Ilir Yzeiri: Topikat e trishta të hapësirës publike
20 Dhjetor, 13:28
-
Kroaci/ Adoleshenti sulmon me thikë mësuesen dhe 5 nxënës! Ndërron jetë 7 vjeçari
20 Dhjetor, 13:26 -
Kryeministri i ri francez: Nëse nuk kemi një qeveri deri në Krishtlindje, do të jemi në greminë
20 Dhjetor, 12:04 -
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46
Kafshe qe duhen kthyer mbrapsh se e qelben Europen...
PërgjigjuKane ndodhur aq shume raste te tilla sa evropa nis te duhet te mendoje me shume per vete se per te drejtat e refugjatve muslymane, te cilet e urrejne perendimin.
PërgjigjuShërim të shpejt të lënduarve!
PërgjigjuFajtore eshte europa! qe i prandon, i ban njerez, sepse kur vijne i gjasojne astropitexave .Zgjithja eshte: jashte nga EUROPA KRISTIANE ! NUK JU DUAM!
PërgjigjuËshtë rrefugjat i krishterë nga Yunanistani thonë gazetat.