POP 5

Lajmet më të lexuara të 5 minutave të fundit

Kronikë

Terrorizmi, Rama ministrave: 
Përforconi sigurinë, ja pikat kyçe

Nisur nga sulmet e njëpasnjëshme terroriste mbrëmjen e së premtes në Paris, Kryeministri shqiptar Edi Rama u ka kërkuar ministrave të kabinetit të tij të marrin masa të menjëhershme për të forcuar sigurinë në vend. 
Kërcënohet Shqipëria: Nisi lufta ndaj armiqve të ISIS, radha juaj
Terrorizmi, Rama ministrave: <br />Përforconi sigurinë, ja pikat kyçe
Nisur nga sulmet e njëpasnjëshme terroriste mbrëmjen e së premtes në Paris, Kryeministri shqiptar Edi Rama u ka kërkuar ministrave të kabinetit të tij të marrin masa të menjëhershme për të forcuar sigurinë në vend.

Kreu i qeverisë ka kërkuar masa shtesë sigurie në objektet e rëndësisë së veçantë, siç janë pikat kufitare, në vijën kufitare, repartet ushtarake, portet, aeroportet, shkollat, spitalet, vendet e grumbullimit të njerëzve, centralet e energjisë elektrike, stacionet e furnizimit me ujë, qendrat e ndërlidhjes telefonike dhe të internetit, stacionet televizive e të tjera.
 
Gjithashtu, kryeministri Rama ka kërkuar të bëhet kujdes që masat e ndërmarra të mos shqetësojnë ritmin e rrjedhës normale të jetës ekonomike e shoqërore në vend.
 
Zëvendëskryeministri Niko Peleshi është ngarkuar për koordinimin mes institucioneve si dhe për ndjekjen e zbatimit të masave për përforcimin e sigurisë.
 
Ngjarjet në Francë kanë mobilizuar strukturat më të larta të sigurisë në vend.
 
Presidenti i Republikës ka thirrur në një takimi kreun e Shërbimit Shtetëror Informativ Visho Ajazi Lika për të marrë informacionin e plotë rreth situatës së sigurisë në vend.
 
Policia e Shtetit ka kaluar që prej orëve të mesnatës në gatishmëri të përforcuar. Po ashtu shërbime shtesë policore janë vendosur në objekte që konsiderohen me risk, siç janë ambientet publike me frekuentim të lartë, pranë ambasadave apo rezidencave, akset kryesore rrugore e të tjera.
 
Policia e Shtetit ka hartuar një plan te detajuar për evidentimin dhe mbikëqyrjen e gjithë elementeve të dyshuar që mund të kenë tendenca për akte terrori.
 
Në të gjitha pikat e kalimit kufitar po verifikohen me kujdes te veçantë çdo person që hyn ne territorin shqiptar apo del prej tij.
 
Gjithashtu Policia e Shtetit ka rritur intensitetin e shkëmbimit të informacionit me partnerët ndërkombëtarë për persona të caktuar që mund të shfaqin tendenca të akteve terroriste.

Redaksia Online
(Shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Arrestohet pronari i kompanisë 'Ritron Kopi' në lidhje me rastin e Lotarisë Shtetërore maqedonase

Arrestohet pronari i kompanisë 'Ritron Kopi' në lidhje me rastin e Lotarisë Shtetërore maqedonase

26 Dhjetor, 20:51