POP 5

Lajmet më të lexuara të 5 minutave të fundit

Politikë

Terrorizëm kibernetik ndaj një spitali në Shqipëri, hakerat nga Koreja e Veriut shkatërruan laboratorë e pajisje (Shërbimet u rikthyen)

Pre e një sulmi kibernetik në Shqipëri është bërë edhe një spital në vend. Edhe pse nuk e bëri të ditur se për cilin institucion bëhet fjalë, drejtori i Autoritetit Kombëtar të Sigurisë Kibernetike, Igli Tafa, tha se një javë më parë janë njoftuar për një sulm kibernetik në një prej spitaleve, por falë ndërhyrjes në kohë nuk ka pasur dëme dhe vjedhje të të dhënave

Sulmeve kibernetike nuk i ka shpëtuar as sektori më jetik në vend, ai i shëndetësisë.  Lajmin për një sulm të tillë që e cilësoi deri në kufijtë e aktit terrorist e dha Drejtori i Autoritetit Kombëtar të Sigurisë Kibernetike, Igli Tafa, gjatë raportimit të tij të mërkurën në komisionin e posaçëm të dezinformimit.

“Ky ishte një terrorizëm kibernetik, nuk është sulm kibernetik siç jemi mësuar. Sepse sulmet ndaj sistemeve jetike të vendit quhen terroriste. Të martën e javës së kaluar një spital na njoftoi për një shkatërrim në masë të të gjitha të dhënave. Grupi prej 7 personash nga autoriteti shkuan menjëherë atje, ndërsa 12 të tjerë në distancë me qëllim që ta kthenim në shërbim të menjëhershëm”, tha Igli Tafa, drejtor i AKSK.

Tafa sqaroi se ndaj spitalit, i cili ende nuk është bërë i ditur nëse është publik apo privat, është synuar shkatërrimi i sistemit teknologjik për shërbimet bazë, nga një grup hakerash nga Koreja e Veriut.

“Kemi qenë nga e marta në orën 10:00, deri ditën e djeshme (të martën) kur u kthyen të gjitha shërbimet dhe e menaxhuam në mënyrë të tillë që të mos kishte panik.  Ishte shkatërruar imazheria, rezonanca magnetike, skaneri, laboratori i analizës së gjakut dhe një sasi të dhënash të pacientëve që u rikthyen të gjitha shërbimet. Nuk ka qenë sulm i brendshëm, ka qenë sulm i jashtëm me shumë mundësi nga Koreja e Veriut”, shpjegoi kreu i  Autoritetit Kombëtar të Sigurisë Kibernetike.

Grupi i hakerave i dyshuar nga Koreja e Veriut nuk ia ka arritur qëllimit për shkatërrimin e të dhënave falë ndërhyrjes në kohë, por Tafa i cili thotë se mund të rrezikohen edhe institucione të tjera shëndetësore, sugjeron të investohet në mbrojtjen teknologjike.

G.M./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34