TIRANË - Agjencia Kombëtare e Provimeve ka shpallur listën emërorë të 140 mjekëve të përgjithshëm të cilët do t’i nënshtrohen provimit në datën 10 shkurt. Sipas kësaj liste do të jenë tre grupe mjekësh që do të testohen. Më konkretisht grupi i parë do të nisë provimin në orën 9.00, grupi i dytë në orën 11.30 dhe grupi i tretë në orën 14.00. Sipas të dhënave rezultatet do të merren sapo të përfundojë testi.

Sipas Agjencisë Kombëtare të Provimeve kandidatët duhet të paraqiten 40 minuta përpara provimit dhe duhet të kenë me vete kartën e identiteti dhe kopjen e saj, faturën e pagesës së tarifës për Provimin e Shtetit, sipas herës së pjesë marrjes.