Më 14 Maj votimi elektronik do të aplikohet në 3 bashki në vend, në Elbasan, Kamëz dhe Vorë. Kreu i KQZ, Ilirjan Celibashi ka parë sot nga afër procesin e testimit të votimit elektronik në qytetin e Elbasanit, nga ku ka evidentuar se është 100% i sigurt dhe garanton fshehtësinë e votës.
Ky sistem nuk mund të preket prej sulmeve kibernetike për shkak se nuk do të bëhet lidhja me internetin. Celibashi u shpreh se sistemi e ndalon votimin familjar dhe nëse do jetë e nevojshme, vetëm përfaqësuesit teknik mund të ofrohen për ndihmë por pa identifikuar zgjedhjen e votuesit. Celibashi theksoi se pajisja është e thjeshtë në përdorim dhe askush nuk do të ketë mundësinë që të verifikojë votën e qytetarit.
“Nga pikëpamja e sigurisë dhe fshehtësisë së votës, pajisja ka siguri 100%. Nuk ka asnjë lloj mënyre për të identifikuar votën e votuesve. Garantohet fshehtësia ndaj do t’i ftoja votuesit e këtyre 3 bashkive që pa hezitim të votojnë për kandidatët, pa qenë në dyshim që vota e tyre do të jetë publike. Pajisja dhe sistemi i ofron të gjitha, as sistemi i zgjedhjeve, as kompania s’ka mundësi për të verifikuar mbi votën e qytetarëve.
Pajisja është e thjeshtë në votim edhe për moshën e thyer. Sistemi e lehtëson procesin e votimit dhe me siguri qytetarët që do të marrin pjesë në votime në këto 3 bashki do e shohin që është e thjeshtë.
Nëse ka një gjë që sistemi e ndalon është votimi familjar se mund të paraqitet vetëm 1 votues që nëse do të duhet, me këshillimin e një përfaqësuesi teknik do të ndihmohet në procesin e votimit por pa u identifikuar zgjedhja. Kemi sjellë në Elbasan në tre pika, në bashkinë e Kamzës në 2 ambiente dhe në bashkinë e Vorës në 1 ambient për t’u familjarizuar. Këto do të qëndrojnë deri para zgjedhjeve ndaj i nxis partitë politike dhe mediat që të nxisin qytetarët të testojnë pajisjen”, tha Celibashi.
Celibashi u shpreh se presin që të rezultojë i suksesshëm pasi siguria e fshehtësisë së votës është më e madhe përmes kësaj teknologjie sesa kur votohet përmes letrës. Në përfundim të procesit të votimit, për 10 minuta sistemi arrin të përpunojë rezultatin përfundimtar që do të dalë i printuar dhe i vulosur me kode sigurie. Për garën elektorale, KQZ ka vendosur që të mos jetë vetëm Vora zonë e votimit elektronik për garën elektorale të 14 majit por edhe në bashkinë e Elbasanit dhe të Kamzës.
Si do të kryhet votimi elektronik?
Qytetarët do kryejnë procedurat e identifikimit dhe të bëjnë bëjnë zgjedhjen e tyre në sistem për zgjedhjen e kryetarëve të Bashkive. Në rast se duan ta ndryshojnë, mund ta heqin dhe të zgjedhin emrin e një kandidati tjetër. Më pas shfaqet fleta e këshilltarëve bashkiakë. Kur të përfundojë procedura e votimit, qytetari mund të presë që të printohet letra për ta parë vizualisht. Në fund të të gjithë procesit të votimit, sistemi do arrijë që të nxjerrë rezultatin final brenda pak minutash.
Operatori i votimit elektronik, Dardan Bardhi ka treguar për Report Tv se si do të bëhet votimi elektronik në bashkinë e Elbasanit. Ai demonstroi mënyrën se si qytetarët do të zgjedhin kandidatin që votojnë për kryetar bashkie dhe më pas do t’i shfaqet lista me këshilltarët bashkiakë.
“Do vijnë qytetarët të ndjekin procedurat e identifikimit dhe do të votojnë e më pas do të vijnë te fleta e votimit. Mund të ndryshojë e të zgjedhë tjetër. Po ashtu edhe në fletën e Këshillit Bashkiak dhe në momentin që mbaron procedura, del fleta që qytetari ka të drejtë ta konfirmojë vizualisht dhe më pas këputet e votimi ka përfunduar me sukses. Rezultati jep pas 10 minutash se cili është fitues ose jo”, tha Bardhi.
Komente
Lajme të tjera
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
Mjaft me me eksperimente! Filloni dhe vendoseni votimin elektronik ne te gjithe qytetet e medha e kryesore te Shqiperise dhe me vone,ne te gjitha pjeset e tjera qe nga qytezat e deri tek fshatrat.
PërgjigjuKy robi genjen. Mos i besoni se e ka provuar qe eshte i shitur
PërgjigjuPer te gjithe kokedrunjte, nje here e mire: eshte matematikisht e pamundur te kesh zgjedhje elektronike njekohesisht te sigurta dhe anonime. Ose njeren, ose tjetren ne rastin me te mire, dhe me shume mundesi, ne rastin tone, asnjeren.
PërgjigjuAty ku nuk hy leku ja fusin votim elektronik..
PërgjigjuJa e beri dhe Iliriani nje tender.
PërgjigjuVetem aty ska siguri. Del celoja dhe ben profetin. Aty e kupton qe ai duhrt shkarkuar se nuk e di seriozitetin e sulmeve kibernetike
PërgjigjuSi me te futme meduket ti bej presion qytetarve 100% qe do e marrin vesh
Përgjigju