POP 5

Lajmet më të lexuara të 5 minutave të fundit

Sociale

Tetori rozë, aktivitet sensibilizues në qendër të Elbasanit, mjekja Onkologe: Kontrolle më të shpeshta! Bëni mamografinë

Me rastin e muajit tetor, muajit sensibilizues të kancerit të gjirit Qendra Spitalore e Elbasanit zhvilloi një aktivitet sensibilizues në qendër të qytetit, duke ftuar gratë diagnostikohen në mënyrë periodike dhe ti kushtojnë rëndësi shëndetit.

Me rastin e muajit tetor, muajit sensibilizues të kancerit të gjirit Qendra Spitalore e Elbasanit zhvilloi një aktivitet sensibilizues në qendër të qytetit, duke ftuar gratë diagnostikohen në mënyrë periodike dhe ti kushtojnë rëndësi shëndetit.

Shifrat e të prekurve me kancer gjiri edhe në Elbasan janë në rritje, ndërsa mjekët flasin me shqetësim për shfaqen e sëmundjes në moshë të re.

Mjekja Onkologe Luljeta Vathi për Report Tv, u ndal te shkaqet që ndikojnë në prekjen e grave nga kanceri i gjirit, ku veç jetës sedentare ndikon edhe rritja e moshës së bërjes nënë.

“Jemi mbledhur sot për tetorin rozë që është muaji i ndërgjegjësimit për shëndetin e gjirit dhe duhen kontrolle më të shpeshta dhe për të shkuar sa më shpejt tek mjeku i familjes dhe më pas tek specialisti nëse shohim shenja që sna pëlqejnë. Duhet bërë mamografia. Po shtohen rastet e kapjes së sëmundjes në fazat e para. Jeta sedentare, konsumimi i ushqimeve me yndyrë dhe i pijeve alkolike është një risk dhe pjesa e lindjes për herë të parë mbi 30 ose 35 vjeç”, tha Luljeta Vathi.

Në rastin më të keq kur një grua përballet me një masë tumorale në trupin e saj është shumë e rëndësishme mbështetja morale, por dhe ana psikologjike. Psikologia Jonida Mustafaraj foli për rëndësinë e shëndetit mendor në këtë stad.

"Momenti i parë kur diagnostikohesh me këtë sëmundje është momenti më i vështirë. Psikologu është pjesë e grupit që jep informacionin psikologjik për të përballuar këtë sëmundje, që lidhet me mjekimin e vazhdueshëm, me mbajtjen e aktivitetit fizik dhe psikologjik”, tha Jonida Mustafaraj.

Pavarësisht motit jo të përshtatshëm me shi, gratë përcollën mesazhet e tyre në stendën e ngritur në qendër të qytetit, krah së cilës ishte vendosur edhe mamografia e lëvizshme për t'iu bashkuar thirrjes së diagnostikimit të hershëm.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

SHBA, kufizon eskportet e pajisjeve që mund të përdorë Kina për armatimet

SHBA, kufizon eskportet e pajisjeve që mund të përdorë Kina për armatimet

2 Dhjetor, 23:00