Thaçi tha se misioni i ri i PDK-së është mision që përfshin zhvillimin ekonomik, që nga ekonomitë familjare bujqësore, deri te zhvillimi i bizneseve në të gjitha fushat ekonomike, që sigurojnë të ardhura.
“Është në interesin e gjithë qytetarëve që t’i bashkohen misionit të ri. Është përtej përkatësive politike dhe në mandatin e ardhshëm ne do të qeverisim me një mazhorancë shumë më solide. Nga një mazhorancë shumë më e fortë, e cila do të mundësojë t’i jetësojmë reformat e programit ekonomik te misioni i ri”, tha Thaçi para prizrenasve.
Ai tha se Prizreni krenohet me historinë e tij, por do të krenohet edhe me zhvillimin ekonomik, i cili çdoherë e më shumë po fuqizohet dhe do të krenohet edhe me turizmin dhe bizneset e shumta që veprojnë në këtë pjesë.
![](https://www.shqiptarja.com/template/img/sh_logo1.png)