Nga Brukseli, ai bëri të ditur mbrëmë se në prag të takimeve gjatë ditës me komisionerët europianë, kishte patur edhe një bashkëbisedim të shkurtër me Jens Stoltenberg, Sekretarin e Përgjithshëm të ri të NATO.
"Me Jensin jemi parë dy herë në vitet e fundit bilateralisht në Oslo, ndërsa tani në funksionet e reja do të vazhdojmë t'i mbajmë kontaktet zyrtare", shprehet Thaçi.
Gjatë ditës së djeshme kryediplomati Kosovar ka takuar në Bruksel zv/presidenten e Komisionit Evropian, njëherësh edhe shefes së politikës së jashtme të BE-së, Federica Mogherini dhe komisionerin për zgjerim, Johannes Hahn. Një ditë më parë Thaçi me axhendën zyrtare shtetërore të vizitës së kryeqendrave të politikës europiane, për t'u takuar me përfaqësuesit e politikës së jashtme europiane, ka takuar sekretarin e përgjithshëm të Këshillit të Europës Thorbjorn Jagland, në Strasbourg.
"Diskutuam edhe projektet për përkrahjen e Kosovës, vazhdimin e dialogut dhe po ashtu u dakorduam për një vizitë të shpejtë të komisionerit Hahn në Kosovë", ka njoftuar Thaçi, mes tjerash, nga këto takime.
