POP 5

Lajmet më të lexuara të 5 minutave të fundit

Reportazh

'Shqipëria turistike' Thesaret e Ishmit, me kalanë dhe bazilikën e Gjuriçaj, Kepin e Rodonit dhe Gjirin e Lalzit

Ishmi ndodhet 50 km larg Durrësit dhe është njësia administrative me relievin më të bukur në Qarkun e Durrësit.

Ishmi ndodhet 50 km larg Durrësit dhe është njësia administrative me relievin më të bukur në Qarkun e Durrësit. Në Ishëm takon detin me plazhet e Gjirit të Lalësit dhe Kepit Rodonit si dhe kodrat e gjelbëruara me një florë dhe faunë mjaft të pasur. Por në këtë njësi administrative ndodhen dhe një numër objektesh historike të një rëndësie të veçantë. Kalaja e Ishmit është njëra prej tyre.

Studiuesi Përparim Taipi tregon se Kalaja e Ishmit i përket shekullit XVI dhe është ndërtuar nga turqit.Ajo ka shërbyer si fortesë dhe vendstrehim për një garnizon me mbi 400 ushtarë.Turqit ruheshin nga sulmet e banorëve vendas, shpjegon studiuesi Taipi.Por ajo lidhej dhe me kalanë e Skënderbeut në Rodon dhe ishte një mbështetje e saj për ndonjë sulm nga deti.

Kalaja ka një perimetër mbi 1500 m2 dhe dy porta hyrëse dhe dalëse. Prej Kalasë së Ishmit kundron Adriatikun, zonat e Shkodrës, Lezhës, Laçit, Krujës,Tiranës e Durrësit. Janë këto ngjyra që kanë frymëzuar edhe të fundin e piktorëve kubistë, Ibrahim Kodrën, i cili ka lindur vetëm pak kilometra më tej, në Likmetaj, një nga 9 fshatrat e zonës. Piktori me famë botërore sot prehet në vendlindjen e tij, pak metra larg kalasë, duke u shndrruar në një vend pelegrinazhi për piktorë, artistë dhe artdashës.

Ka qenë amaneti i tij të prehet në Ishëm- shprehet studiuesi i historisë së Ishmit,Pëllumb Beja, sipas të cilit kubizmi i Kodrës mbështetet tek trekëndëshi. Ky trekëndësh e ka fillesën në Ishëm, vendlindja e ka frymëzuar piktorin e famshëm-shton ai. 45 km larg Tiranës, zona e Ishmit preferohet nga banorët e kryeqytetit kryesisht në fundjava e gjatë sezonit veror. Plazhet e Gjirit të Lalësit dhe Kepit të Rodonit janë ndër më të frekuentuarit. Por kjo njësi administrative e qarkut Durrës është edhe dëshmitare e historisë së lashtë të qytetërimit që prej periudhës ilirie.

Pak më tutje, në lagjen Gjuricaj ndodhet Bazilika Pleokristiane me të njëjtin emër. Kjo Bazilikë është objekt i kategorisë së parë ose të veçantë për nga rëndësia.Gjendej në aksin e rrugës që lidhte Durrësin me Lezhën në lashtësinë e vonë. Bazilika i përket shek V-VI të erës së re.Përfshin një sipërfaqe mbi 1200 m2 prej të cilave 800 m2 ka qenë vetë ndërtesa dhe rreth e përqark ka pasur edhe objekte të tjera zbukuruese.

Këto objekte historike pritet t'i nënshtrohen restaurimit, tregon Kadri Gjyli,administratori i kësaj njësie administrative,  me qëllim që historia të mos qëndrojë më "e fshehur" nga sytë e vizitorëve të shumtë që frekuentojnë shpesh plazhet e lokalet aty pranë. Monumete të trashëgimisë kulturore shtrihen përgjatë gjithë zonës.

Kulla e vjetër në Gjuricaj
Kisha e Shna Nout dhe Kalaja e Skënderbeut në Kepin e Rodonit. Vështirë të gjeni ciceronë që rrëfejnë historinë e tyre, por të apasionurit pas turizmit historik, kulturor dhe natyrës  sapo t'i zbulojnë, do të ndjehen si gjuetarët e thesareve të fshehura.

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46