Thirrjet  ksenofobe
AK e PDIU: Provokim

TIRANE- Aleanca “Kuq e Zi” dhe Partia Drejtësi, Integrim dhe Unitet (PDIU) kanë reaguar sot ndaj thirrjeve anti-shqiptare në ndeshjen miqërore Maqedoni-Shqipëri që u zhvilloi ditën e djeshme në Prilep.

Nëpërmjet deklaratave për shtyp, AK dhe PDK dënojnë thirrjet në stadiumin e Prilepit duke i quajtur si provokim kombëtar.

ALEANCA KUQ E ZI
AK thekson se këto thirrje janë rraciste dhe shoviniste.“Nacionalizmi maqedonas është primitive dhe i dhunshëm. Nuk lejojmë të poshtërohet simbolet tona. Shqipëria është kombi më I qytetëruar në rajon dhe ne jemi krenar që jemi shqiptar” thekson aleanca “Kuq e Zi”
Gjithashtu Alenca i kërkon qeverisë maqedonase të distancohet nga ky racizëm që është shfaqur kundër shqiptarëve ndërsa ka kërkuar ndërshkim të turmave histerike anti-shqiptare.

PARTIA DREJTESI, INTEGRIM DHE UNITET
"Fyerjet e tifozave maqedonas u drejtohen të gjithë bashkëkombasve tanë, përfshi edhe ata të cilët luajnë me fanellën e Maqedonisë. Këto fyerje duhet të gjejnë përgjigje të menjëhershme nga autoritetet shqiptare dhe maqedonase, sidomos nga partitë shqiptare në Maqedoni, ku harmonia ndërmjet dy etnive duhet të jetë bazë e shtetit maqedonas", deklaron PDIU.
Sipas saj, nëse kjo harmoni nuk arrihet, atëherë Maqedonia nuk mund të pretendojë të ardhme evropiane si shtet.
"Kombi shqiptar, si kombi më i lashtë në Ballkan nuk mund të pranojë fyerje nga asnjë komb tjetër, e nga asnjë grupim, sidomos në momentin kur shteti maqedonas mbahet në këmbë pikërisht nga bashkëkombësit tanë. Reagimi i menjëhershëm i autoriteteve maqedonase dhe sidomos i partive shqiptare aty është tashmë një domosdoshmëri", thuhet më tej në deklaratë.

THIRRJET ANTISHQIPTARE
Ndeshja miqësore Maqedoni-Shqipëri e zhvilluar dje në qytetin e Prilepit u shoqërua me fyerje dhe thirrje anti-shqiptare të tifozëve maqedonas si “Shqiptari i vdekur është shqiptar i mirë”…”dhoma gazi për Shqiptarët”…”Lufta për Çlirim”…
(s.g/shqiptarja.com)