Thyen dhe vodhën një biznes në Vlorë, 4 të miturit me precedent, u kapën dhe u arrestuan teksa laroheshin, në pranga edhe bashkëpunëtori 46-vjeçar

Foto ilustruese

VLORË- Në orët e para të këtij mëngjesi, në lagjen ‘Pavarësia 2” në Vlorë, në bashkëpunim me njeri-tjetrin 4 të mitur, kanë hyrë në një biznes duke i shkaktuar dëme dhe kanë vjedhur produkte dhe një sasi e vogël parash.

Pasi morën nga biznesi gjithçka që mundën, janë munduar të largohen me një automjet, drejtues i së cilit ishte B.S, 46 vjeç.

4 të miturit, me precedent të mëparshëm penale, janë arrestuar nga policia teksa po përpiqeshin të largoheshin. Në pranga është vënë edhe 46-vjeçari.

Në cilësinë e provës materiale, Policia ka sekuestruar një shumë parash, produkte të vjedhura, mjetet që përdornin këta shtetas për realizimin e vjedhjeve, si dhe automjetin me të cilin tentuan të largoheshin pasi kishin kryer vjedhjen.

Vijon puna për dokumentimin e rasteve të tjera të vjedhjeve të kryera nga këta shtetas.

Materialet i kaluan Prokurorisë pranë Gjykatës së Shkallës së Parë Vlorë, për veprën penale “Vjedhja” e kryer në bashkëpunim.

J.GJ./Shqiptarja.com
  • Sondazhi i ditës:

    A jeni dakord me rekomandimin e Komitetit të Imunizimit për dozë të tretë vaksine për mbi 60 vjeçarët?

Komento


×

Lajmi i fundit

John

30-vjetori i Fondacionit 'Friedrich Ebert', Rama: Jemi 'dhëndër' në tentativë për në BE! 'Ballkani i Hapur' e ardhmja, nuk kemi kohë për të humbur