Thyen masat e karantinës dhe kundërshtuan me dhunë policinë, 2 të arrestuar, 5 procedohen në gjendje të lirë

Me shtimin e kontrolleve për shkak të pandemisë për respektimin e masave të vëna nga qeveria, policia e Korçës ka nisur procedimin penal për 7 persona, mes të cilëve 2 janë arrestuar dhe 5 po ndiqen në gjendje të lirë.

Të 7 personat po procedohen për vepra të ndryshme penale, ku përfshihen “Kundërshtimi me dhunë i punonjësit të policisë së rendit publik”, “Prishja e qetësisë publike” dhe “Drejtimi i automjeteve në mënyrë të parregullt”.

Gjatë kontrolleve të ushtruara, në lagjen nr. 18, kanë konstatuar duke lëvizur në rrugë jashtë fashës së lejuar, shtetasit A. Z., 31 vjeç; V. R., 26 vjeç; B. Xh., 32 vjeç; K. N., 23 vjeç dhe M. Ll., 28 vjeç, banues në Korçë. Në momentin kur punonjësit e policisë iu kanë kërkuar autorizimin e lëvizjes, shtetasi A. Z, i ka kundërshtuar me dhunë, ndërsa 4 shtetasit e tjerë kanë prishur rendin dhe qetësinë publike, gjatë shoqërimit për në ambientet e Komisariatit. Për këtë shtetasi A.Z., u arrestua në flagrancë, ndërsa katër të tjerët u proceduan penalisht në gjendje të lirë.

LEXO EDHE:
Tragjike/ Kush është Zoi Ksila, vajza me shtetësi greke e origjine shqiptare që nderroi jetë në aksidentin fatal! Erdhi për pushime me të fejuarin

Gjithashtu u arrestua në flagrancë shtetasi K. D., 31 vjeç,  pasi në afërsi të fshatit Drithas u kap duke drejtuar pa leje drejtimi motorin tip “Honda”.

Si edhe filloi procedimi penal në gjendje të lirë ndaj shtetasit F. M., 49 vjeç, banues në Pogradec, pasi në lagjen nr.1, Pogradec, ky shtetas u kap duke drejtuar në gjendje të dehur, mjetin tip “Volkswagen”.

TAG:
• arrestim
• Korce
• karantinë
• Koronavirus
• koronavirusi ne shqiperi

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.6%

• Mirëqënia

  21.6%

Vota total: 2161

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia