DURRËS - I janë dashur 13 vjet për ta ndërtuar, po vila e familjes Xhurxhi në Spitallë të Durrësit ka pësuar dëme të mëdha nga tërmeti shkatërrues i 26 nëntorit, dhe rrezikon të shembet. Për gazetarin e Report Tv, Arsen Rusta, kryefamiljari Ahmet Xhurxhi tregon se e ka ndërtuar gjithçka vet, pasi edhe në Greqi punon në ndërtim, por ka dyshime se mund të kenë abuzuar pa dijeninë e tij me cilësinë e çimentos, hekuri dhe inerteve që janë përdorur.
Ai tha se i disponon faturat e blerjes së mallarave, ndërsa apelon që shteti të shkojë për të bërë verifikimin e vilës. Bashkëshortja e tij, Shame Xhurxhi thotë se vila është e rrezikshme dhe nëse bie rrezikon një shtëpi pas saj, dhe shkollën që ndodhet përbri.
"Unë një jetë kam punuar me familjen në Greqi, me çunat dhe nusen. Polici i zonës ka vënë shiritin, unë dua të vijnë ekspertët dhe shtëpia të shembet. Unë po qëndroj tek vëllai, ata janë 11 vetë. Unë me nusen rrimë në katin e katërt, dy çunat në katin e dytë dhe të tretë, ndërsa kati i parë është biznes. Dy çunat i përcolla për në Greqi se nuk mund t'i mbaja këtu. Nuk kam kursyer kolona, as hekur, por jam mashtruar me çimenton që është përdorur, ose inertet. Unë punoj në ndërtim në Greqi dhe jam munduar të bëj më të mirën për shtëpinë time, kolonat janë 50 me 50 dhe në formë L-je, që edhe komshinjtë këtu janë habitur kur e kam bërë këtë shtëpi. E vetmja që është këtu, ose hekuri ose çimentoja që është e pavlefshme. Nuk kam kursyes asnjë send. Në 2001-shin e kam nisur shtëpinë, në 2014-ën e kam mbaruar. 21 vjet jam në Greqi, as nuk e kam gëzuar këtë shtëpi. Kam të gjitha faturat, ndoshta nuk mund të jenë të gjitha, por i kam ato që kam blerë materialet. Këtu po rrezikohen edhe komshinjtë, është rruga, nuk dihet nga mund të bie" shprehet Ahmet Xhurxhi.
Zonja e tij Shamja, prej një ore qëndronte para Prokurorisë së Durrësit, me shpresën që dikush ta dëgjonte. Aty u takua edhe me gazetarin e Report Tv Arsen Rusta, teksa ndiqnin një prononcim që pati për mediat kryeprokurori i ri, Olsian Çela. Me shpresën se zëri i saj do të dëgjohet përmes ekranit, ajo ftoi grupin e xhirimit të Report Tv për të parë nga afër situatën në shtëpinë e saj. Kati i parë thuajse ka rënë përtokë pasi kolonat janë dëmtuar.
"Shtëpia jonë u prish se erdhi prej zotit nuk ma bëri asnjë njeri. Dua të vijnë ekspertët të bëjnë vlerësimet. Dua çdo gjë me ligj, me rregull, kjo është në rrezik, rrezikon shtëpia mbrapa, dhe shkolla anash", thotë Shame Xhurxhi.
"Tani forca vjen kur shteti të jep një farë të drejte, që edhe unë të vihem në lëvizje, se shpirti im këtu është. Edhe pse jetoj në Greqi, shpirtin e kam këtu. Me këtë drejtim shteti, nuk e di...", përfundon Ahmeti.
Ai ka marrë pjesë vet në ndërtimin e vilës, ndërsa banesa është e hipotekuar me çertifikatë pronësie.
Komente
Lajme të tjera
-
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Durrës/ Aksidentoi për vdekje të moshuarën, vihet në pranga 61-vjeçari
21 Nëntor, 11:53 -
Moti i keq/ Lundrimi për peshkarexhat i pezulluar edhe në Durrës
21 Nëntor, 10:16 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
Aksident në autostradën Durrës-Tiranë, humb kontrollin e mjetit dhe del nga rruga! Vdes 20-vjeçari, nesër festonte datëlindjen
18 Nëntor, 08:41
>>*që edhe komshinjtë këtu janë habitur kur e kam bërë këtë shtëpi. E vetmja që është këtu, ose hekuri ose çimentoja që është e pavlefshme.* Ose is ke fute vetem 4 shufra hekurit 12sh e stafat krye 50 cm. 4 katesheja don shume ma shume hekur se sa ke fute ti aty, se shihen kolonat e thyeme ne video.
Përgjigju