Inatin për humbjen me Partizanin dhe faktin që derbi është kthyer në një makth dhe tabu prej 25 muajsh, tifozët e Tiranës ia kanë nxjerrë policisë, teksa pas pësimit të dy golave nga të kuqtë, mbështetësit bardheblu kanë konfrontuar me policinë në stadium.
 
Sikur duket edhe nga pamjet në video tifozët kanë ofenduar dhe sharë kundërshtarët dhe policinë, e cila ka ndërhyrë për t’i qetësuar.
 
Nuk kanë munguar ofendimet dhe sharjet as ndaj FSHF dhe titullarëve të institucionit, ndërsa sjellja pritet që të jetë objekt i dënimeve dhe masave të ashpra nga Komisioni i Disiplinës.