Tiranë, bashkia: Jo rritje
çmimesh abuzive për biletat

TIRANË - Bashkia e Tiranës ka reaguar në lidhje me çmimin e biletës për linjat urbane të Tiranës. Në një deklaratë për shtyp zëdhënësja e Bashkisë së Tiranës Anila Bisha është shprehur se Bashkia e Tiranës bën me dije se për linjat urbane të qytetit të Tiranës, nuk ka dhe nuk mund të ketë asnjë rritje të çmimit të biletës në mënyrë arbitrare.
“Asnjë operator që operon në linjat urbane të qytetit të Tiranës nuk mund të ndryshojë çmimin e biletës në mënyrë të njëanshme. Çdo vendim i tillë do të çojë në marrjen e masave penalizuese deri në anulimin e kontratës së operatorit”, ka theksuar Bisha.

(aq/shqiptarja.com)