TIRANE- Nga muaji gusht i vitit të kaluar, nuk janë dërguar më dosje legalizimesh të objekteve ndërtesë për miratim në Këshillin e Ministrave.

Drejtoria Rajonale e Tiranës ka gjashtë muaj pa drejtor dhe kreu i komanduar nuk ka të drejtë firme. Kjo ka bërë që puna të paralizohet. Po e njëjta gjendje paraqitet dhe në Drejtorinë e Përgjithshme. Ndërsa janë përgatitur dhe miratuar dosjet për shtesat në njësitë e kryeqytetit 1-7, ende nuk ka nisur procesi për njësitë 8-11.

Në total janë bërë mbi 270 mijë kërkesa për legalizimin e objekteve informale, ndër të cilat janë verifikuar në terren vetëm 113 mijë. Deri në qershor të vitit të kaluar janë dërguar për miratim 54 mijë dosje legalizimi dhe nga këto janë hipotekuar 4.504 objekte ose 1.6 për qind e të gjitha kërkesave.