TIRANE - Ambasadorja e Gjermanisë në Tiranë, Carola Muller Holtkemper, deklaroi në një konferencë se e kaluara nuk duhet të bjerë kurrë në harresë.

Diplomatja ishte e pranishme në punimet e konferencës me temë "Rishikimi i së shkuarës, domosdoshmëri për të ardhmen".

Holtkemper tha se edhe në Gjermani në fillim u mendua se e shkuara do të harrohej por nuk ndodhi kështu. Ajo insistoi se periudha e përndjekjes politike është një kapitull i cili nuk duhet të harrohet.

Gjermania edhe më herët është angazhuar me rolin e saj këshillues në çështje të kujtesës historike. E tillë ishte ajo e hapjes së dosjeve të ish bashkëpunëtorëve të sigurimit të shtetit.

(d.m/ad.ti shqiptarja.com)