TIRANE- Babai i një adoleshenteje denoncon në polici zhdukjen e vajzës së tij në polici. Beqir Visha nga Zall Bastari tregon se që prej të mërkurës pasdite vajza nuk është kthyer në shtëpi dhe ai mendon se është rrëmbyer.

Në një prononcim telefonik për tv A1 Report zoti Visha tregon dyshimet se vajzën e tij mund ta kenë rrëmbyer për ta dërguar më pas jashtë për prostitucion. Madje ai tregon se ka dhe një emër, mbi të cilin vë gishtin dhe dyshon se mund të jetë rrëmbyesi i vajzës. Beqir Visha thotë se me personin, mbi të cilin hidhen dyshime, ka pasur miqësi familjare. Emrin ia ka treguar dhe policisë.
(sg/shqiptarja.com)