POP 5

Lajmet më të lexuara të 5 minutave të fundit

Sport

Tirana e nis 2023 kundër Laçit, Shehi flet për merkaton: S'do mendoj vetëm për Xhixhën! Të premten supersfida Partizani-Vllaznia

Tirana do ta nisë vitin 2023 në Superligë përballë Laçit dhe për trajnerin Shehi fitorja do jetë shumë e vështirë. Ai u shpreh se këtë janar pret perforcime në merkato, ndërsa pranoi se golashënuesi Redon Xhixha mund të largohet. Sakaq Vllaznia do kërkojë të hakmarret ndaj Partizanit kryesues në supersfidën e javës së 16.

Superliga shqiptare për vitin 2023 do rikthehet të premten dhe ndër skuadrat e para që zbret në fushë është Tirana kampione në fuqi, që në orën 13:00 sfidon Laçin në transfertë. Bardheblutë janë 4 pikë pas Partizanit kryesues dhe duan ta nisin vitin me këmbën e mbarë.

“Ekip që gjithmonë është në Kupat e Europës dhe paraqitet denjësisht. Është një kundërshtar që të imponon kujdes, respekt sepse është fakto në kampionatin shqiptar,”-deklaroi trajneri i Tiranës.

Shehi shtoi se pret disa përforcime në merkaton e janarit, ndërsa saktësoi se mesfushori i sapoardhur Regi Lushkja nuk është në gjendje të luaj. Ai gjithashtu pranoi se sulmuesi Redon Xhixha ka gjasa të largohet.

“Është një situatë e përjetuar për herë të dytë nga ne pas Taulant Seferi. Është golashënuesi i kampionatit dhe sigurisht që do ketë oferta, por për momentin është këtu tek ne dhe i përqendruar te skuadra. Unë nuk mund të rri dhe të mendoj se do të iki sot apo do të iki nesër,”-u shpreh Orges Shehi, trajner i Tiranës.

Po në orën 13:00 Bylisi do të presë Kukësin, ndërsa në orën 16:00 të ditës së premte luhet supoersfida e javës së 16 Partizani-Vllaznia. Skuadrat i ndajnë 7 pikë në tabelën e klasifikimit dhe përveç hakmarrjes për humbjen në fazën e parë shkodranët e kanë edhe një mundësi për t’u afruar me kreun, pasi është objektivi i deklaruar në fillim të sezonit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29