Pas dy medaljeve historike në Lojërat Olimpike në Paris, Shqipëria ka fituar medaljen e parë të artë në sportin e taekwondo-së në samitin “5th Albanian Open G1 TAEKWONDO”, i cili u zhvillua për herë të pestë në Tiranë, në kuadër të Javës Europiane të Sportit.
Kryetari i Bashkisë së Tiranës, Erion Veliaj tha se kampioni Ernest Merdanaj, me pikët e fituara në këtë kampionat, po bëhet gati për të përfaqësuar vendin në Lojërat Olimpike të Los Angeles 2028.
“E di që, ndoshta jo të gjithë fitojnë medalje. Ne ishim në Paris, morëm dy medaljet tona të para, por pjesa më e madhe këtu kanë marrë një medalje, që është diçka që zgjat tërë jetën, është një shoqëri e re, një kujtim i mirë, e një lidhje e re. Më vjen mirë po ashtu që, pas Parisit, edhe këtu morëm dy medalje. Jam vërtet entuziast që sportistët tanë kanë filluar që tani të mbledhin pikët që do na çojnë drejt Los Angeles në 2028. Shumica prej jush jeni shumë të rinj, ndaj gjasat janë që do jeni miq jo vetëm këtë vit, por deri në lojërat e ardhshme Olimpike dhe ne të tjerët mezi presim që t’ju duartrokasim dhe të themi që jemi krenarë për ju”, tha Veliaj.
Kryebashkiaku u shpreh se ky kampionat mikpriti 900 sportistë nga 48 vende të botës.
“Mund t’u japim një duartrokitje të gjithë miqve që na kanë ardhur nga jashtë. E vlerësojmë jashtë mase prezencën tuaj dhe jam vërtet i nderuar që në këtë javëm që ishte Java Evropiane e Sportit, Bashkia e Tiranës me Ministrinë e Arsimit dhe Sportit, shoqatën e taekwondo-së, Sport Klub “Tirana” dhe gjithë dashamirësit e sportit, e kthyen Tiranën në një hapësirë fantastike për 900 sportistë nga 48 vende të ndryshme të botës”, deklaroi më tej ai.
Kampionati që solli 900 sportistë nga 48 vende të botes dhe 255 klube, u zhvillua nën kujdesin e dy shoqatave “Qendra TAEKWONDO” & “Top Gym Sport”, së bashku me Federatën Shqiptare Taekwondo, KOKSH, MAS dhe Bashkinë e Tiranës.
Lajme të tjera
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Përfitojnë 177 mijë pensionistë në Tiranë/ Nis aplikimi i të moshuarve për abone falas
18 Dhjetor, 17:49 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05
