TIRANË - Kryeqyteti shqiptar është kthyer sot në një qendër të kulturës automobilistike retro me zhvillimin e aktivitetit “Tirana Grand Prix - Warm Up”, një event i organizuar nga Drejtoria e Përgjithshme e Shërbimeve të Transportit Rrugor. Aktiviteti nisi në Sheshin 'Nënë Tereza' nga ora 16:00 dhe do të zgjasë deri në orën 20:00, teksa do të jetë i hapur për publikun.

'Tirana Grand Prix - Warm Up' shërben si gara preliminare e Tirana Grand Prix 2026 dhe i dedikohet automjeteve historike, kulturës automobilistike dhe promovimit të trashëgimisë së automobilizmit. Nisma “Tirana Grand Prix”, e cila nisi në vitin 2023, ka sjellë një dimension të ri në jetën publike të kryeqytetit duke afruar qytetarët me historinë, elegancën dhe zhvillimin e automjeteve ndër vite.

Në qendër të aktivitetit janë automjetet historike dhe klasike, që përfaqësojnë periudha të rëndësishme të historisë së automobilizmit. Organizatorët bëjnë të ditur se pjesëmarrja e koleksionistëve dhe klubeve automobilistike nga Shqipëria dhe rajoni do t’i japë eventit një karakter të veçantë kulturor, turistik dhe promovues.

Programi i aktivitetit parashikon paradë dhe ekspozim të automjeteve historike, si dhe zhvillimin e garës së rregullsisë, ku pjesëmarrësit konkurrojnë bazuar në saktësinë dhe respektimin e kohës së përcaktuar nga organizatorët. Kjo garë pritet të ofrojë një eksperiencë unike për publikun dhe entuziastët e automobilizmit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Qershor, 11:02

    Jeni me Edi Ramën për zhvillimin e Zvërnecit?

Lajme të tjera