Tirana luan nesër kundër Teutës në 14:00, për javën e 11-të në Superligë. Dueli do zhvillohet në "Selman Stërmasi" dhe është komentuar nga trajneri bardheblu. Para medieve Julian Ahmataj ka kërkuar agresivitet nga të tijtë, duke thënë se pasi pësojnë përfshihen nga një errësirë për disa minuta.
Trajneri ka folur edhe për një ngërç psikologjik, teksa i ka kujtuar të tijve ADN e këtij klubi. Pas javës së dhjetë, Tirana me 14 pikë mban vendin e katërt (njësoj se Laçi i vendit të tretë) dhe gjashtë pikë më pak se bashkëkryesuesit e Egnatias dhe Partizanit.
"Të gjitha skuadrat janë pothuajse në një stad, përveç dy ekipeve të para që janë shkëputur pak, por me pikët janë aty-aty. Nuk ka skuadra të lehta dhe të forta, pasi po shprehen në të njëjtin nivel dhe duke pasur oshilacionet përkatëse. Mendoj të luftojmë fort dhe ta përballojmë këtë sfidë të radhës", tha Ahmataj.
Mandej trajneri foli edhe për ngërçin psikologjik që duket se ka përfshirë bardheblutë.
"Besoj se edhe ju e dini mirë këtë gjë, pasi Tirana si një klub me traditë e vuan mungesën e rezultatit. Dhe në momentin që pësojmë gol, skuadra përfshihet nga një “errësirë” prej 10-15 minutash që e vuan këtë gjë. Nga aty erdhën edhe problemet në ndeshjen e fundit. Pastaj gjithë pjesa tjetër ishte e kontrolluar nga ana jonë. Kjo është analiza që kemi bërë", tha Ahmataj.
I pyetur për fushën e "Selman Stërmasit" që nuk është në gjendje të mirë, Ahmataj tha se ndikon.
"Nuk diskutohet që ndikon, por Tirana e ka pasur në genetikë që duhet të përshtatet me çdo terren ku luan. Ndaj këtë gjë mundohemi t’ua injektojmë futbollistëve. Situata kalohet duke punuar dhe ulur kokën për të luftuar më shumë, për të sakrifikuar dhe për t’ia lënë çdo gjë fushës. Kur pritet Tirana e Ahmatajt? Skuadrat që të marrin filozofinë e një trajneri i duhen shumë kohë. Madje trajnerët në botë thonë që duhet të vijë një kohë e gjatë. Nuk është kjo koha që duhet përshtatur. Duke pasur parasysh se nuk kemi as kohë që të stërvitemi, se kemi vetëm ndeshje dhe duhet t’i përgatisim ato. Kjo është një periudhë shumë e keqe për të menaxhuar situatën ku jemi. Por për të futur filozofinë që mendojmë, nuk do bëjmë ndonjë ndryshim vetëm të fusim filozofinë e Tiranës, genetikën që të luftojnë, përplasen dhe të luajnë futboll agresiv ashtu si siç i ka hije këtij klubi", tregoi Julian Ahmataj.
Më pas Ahmataj foli edhe për përforcimet e janarit si edhe rikthimet dhe dëmtimet që ka për nesër.
"Është shumë herët për të folur, pasi ekipi i ka elementët. Shumë lojtarë kanë ardhur në ditët e fundit të merkatos dhe tani u bë një kohë e gjatë, ndaj nuk e kemi menduar akoma këtë gjë se është shumë herët si proces. Janë edhe shumë ndeshje për t’u luajtur për të shkuar te merkato e janarit. Mungesat dhe rikthimet? Kemi rikthimin e Najdovskit, si dhe Latifi i është bashkëngjitur skuadrës dje dhe të shikojmë, Bruno Lulaj është i dëmtuar", tha trajneri.
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44
