Tirana përgatitet për të pritur shirat e vjeshtës, nis investimi në rrjetin e kanalizimeve

TIRANË-Përveç investimeve për përmirësimin e rrjetit të ujit të pijshëm, ndërmarrja e Ujësjellës Kanalizimeve Tiranë, vijon intensivisht punën për sistemin e kanalizimeve, për t’u garantuar qytetarëve shërbime sa më dinjitoze.

Gjatë këtyre ditëve të nxehta të gushtit, UKT po zhvillon një investim të rëndësishëm dhe me materiale bashkëkohore në rrjetin e kanalizimeve tek "Rruga e Elbasanit", duke i dhënë fund problemeve të banorëve të kësaj zone. Një ndërhyrje shumë e nevojshme në këtë segment, ku rrjeti i amortizuar shkaktonte vazhdimisht probleme me përmbytjet në rrugë sa herë binte shi.


Grupi i punës së UKT në Bashkinë e Tiranës, po vijon punën me intensitet edhe gjstë këtyre ditëve të fundit të verës, për të shmangur njëherë e përgjithmonë problemin e vjetër, dhe për të bërë të mundur që rrjeti i ri i kanalizimeve të jetë gati për të pritur shirat e vjeshtës.

B.K./r.k./Shqiptarja.com
Komento

Komente

  • Dori: 21/08/2019 00:07

    SHUME I NEVOJSHEM ESHTE KY INVESTIM,,,,,POR PO ASHTU DUHET QE RRUGET TE KENE NJE KURRIZ QE TE KULLOJE UJI NE ANE,,DHE GRILAT E PUSETAVE DUHET TE JENE 3 CM POSHTE NIVELIT TE ASFALTIT ME ASFALTIN TE PJERRET RRETH PUSETES NE FORME HINKE,,,NJE GJE E TILLE ESHTE BERE TEK BULEVARDI I RI,,,E GJITHE TIRANA DUHET TE BEHET SI TEK BULEVARDI I RI.....

    Përgjigju