Tiranë/ Banorët e tri fshatrave në Zall-Herr kërkojnë rrugë: S’ka asnjë investim prej 15 vitesh, përshkallëzim protestash nëse s’merren masa  

Mungesa e infrastrukturës ka detyruar  banorët e katër fshatrave Zall-Herr, Pinar, Priskë e Vogël dhe Herraj të protestojnë duke bllokuar dhe rrugën. Kërkesat e shumta drejtuar ARRSH , deputetit të zonës apo bashkisë thonë banorët nuk kanë marr përgjigje, ndaj paralajmërojnë ndërhyrje ose në të kundërt do të ketë përshkallëzim protestash, pasi nuk kanë rrugë as për dërgimin e fëmijëve në shkollë me 11 shtator.

Banorët e katër fshatrave Zall-Herr, Pinar, Priskë e Vogël dhe Herraj kanë më shumë se 15 vjet me një kërkesë: Asfaltimin e 3500 m rrugë të fshatit.

Edhe ky fillimit arsimor që nis të hënën e11 shatorit do t’i gjejë 350 familjet e zonës me shqetësimin se si do të dërgojnë fëmijët në shkollë, pasi nuk kanë rrugë.

Krahas mungesës së ndërhyrjes, ata thonë se rruga çdo ditë e më shumë shkatërrohet nga mjetet e tonazhit të lartë që kalojnë çdo ditë.

Të mërkurën banorët bllokuan kalimin aty për disa orë.

Kërkesat e shumta drejtuar ARRSH-së, deputetit të zonës apo bashkisë thonë banorët nuk kanë marrë përgjigje, ndaj paralajmërojnë përshkallëzimin e protestave.

Sipas tyre, shpërthimet masive që ndodhin për shkak të aktivitetit të guroreve e kanë bërë fshatin të pabanueshëm nga ajri i ndotur dhe problemet në furnizimin me ujë të pijshëm.

Aksi rrugor ka rënë edhe në sy të turistëve.

Rruga, përveç lehtësimit për jetën e banorëve, lidh Tiranën edhe me liqenin e Bovillës, që së fundmi është kthyer një atraksion turistik, me interes për të huajt dhe vendasit.

M.T/r.k./Shqiptarja.com

TAG:
• proteste
• Tirane
• zall herr