POP 5

Lajmet më të lexuara të 5 minutave të fundit

Kronikë

Tiranë, braktiset bebja në rrugë
banorja: E gjeta në shi, qante  

Një bebe 1 muajshe është gjetur e braktisur në një rrugicë të Tiranës. Kanë qenë banorë të rastit që kanë dëgjuar të qarat e foshnjes dhe kanë njoftuar menjëherë policinë. Foshnja është dërguar në maternitetin ‘Mbreteresha Geraldine’ ku po kurohet për ftohje, por mister mbetet fati i prindërve apo ndonjë familjari  VIDEO
Një bebe 1 muajshe është gjetur e braktisur në një rrugicë të Tiranës. Kanë qenë banorë të rastit që kanë dëgjuar të qarat e foshnjes dhe kanë njoftuar menjëherë policinë. Foshnja është dërguar në maternitetin ‘Mbreteresha Geraldine’ ku po kurohet për ftohje, por mister mbetet fati i prindërve apo ndonjë familjari.

Foshnja e braktisur në mëshire të fatit
Një foshnje 1-muajshe e seksit femër është gjetur dje pasdite e braktisur në kryeqytet në rrugën "Arkitekt Sinani". Foshnja u gjet  nga shtetasja Fatbardha Zerani, pranë pallatit me nr 228 në rrugën ‘Arkitekt Sinani’. Ajo po dilte bashkë me dy vajzat e saj në një kafene pranë shtëpisë së tyre.

Gruaja që e gjeti foshnjën është shprehur: ”Ishte ora 8, derisa erdhën ato. Morëm policinë, pas policisë erdhi dhe ambulanca. Ta çojmë në maternitet thashë, merreni se nuk kam ku ta çoj unë e shpëtova për momentin se ndonjë qen apo mace mund ta hante. Fëmija ishte mbështjellë dhe qante se e kishte marrë uria për të ngrënë. Shi ishte, ishte lagur fëmija.”

Ata kanë njoftuar policinë ku kjo e fundit pasi ka marrë fëmijën e ka dërguar atë në maternitetin “Mbreteresha Geraldine’. 

Materniteti
Foshnja është dërguar në maternitetin “Mbreteresha Geraldinë”, ku po kurohet për ftohje. Burime nga materniteti bëjnë të ditur se bebja ka ftohje në mushkri e shkaktuar ekspozimi disa orë në temperaturat e ftohta. Megjithatë, mjekët e maternitetit shprehen se, foshnja 1-muajshe ndodhet jashtë rrezikut për jetën.
“Po trajtohet në reanimacionin e maternitetit. Ka nevojë për kujdes të vazhdueshëm”, thanë mjekët.
Të pyetur nëse ndonjë familjar është interesuar për beben, mjekët ngrenë supet.
“Askush nuk ka ardhur në maternitetin tonë të pyesë. Asnjë familjar, askush”.

Policia
Burime nga policia bëjnë të ditur se janë duke kërkuar për prindërit biologjik të bebes, apo ndonjë të afermi. Nuk dihen ende arsyet se përse bebja është braktisur në rrugë. Hetuesit dyshojnë se fëmija mund të jetë lënë pasditen e të martës nga nëna e saj, pranë një makine dhe më pas është larguar.
Policia po verifikon tashmë edhe informacione mbi fëmijët e lindur në maternitet gjatë kësaj periudhe, për të zbuluar identitetin e nënës së saj.

Redaksia Online
(d.b/F.T/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Ndërhynë në dosjet e ‘Toyota Yaris’, Suel Çelës dhe 6 të tjera, caktohet gjyqtarja për ish-kryeprokurorin e Vlorës Zarka dhe 3 bashkëpunëtorët

Ndërhynë në dosjet e ‘Toyota Yaris’, Suel Çelës dhe 6 të tjera, caktohet gjyqtarja për ish-kryeprokurorin e Vlorës Zarka dhe 3 bashkëpunëtorët

9 Janar, 19:57