POP 5

Lajmet më të lexuara të 5 minutave të fundit

Kronikë

Tiranë/ Çmontohet banda e plaçkitjeve në kryeqytet, 2 të arrestuar! Kryen 6 vjedhje në seri brenda pesë javësh, ja çfarë i tradhtoi (EMRAT+VIDEO)

Kamerat e sigurisë i tradhtuan. Finalizohet operacioni i koduar “Shadow Hunt”. Pasi studionin vendet dhe banesat që vidhnin, ata vepronin në orët e vona të natës, duke hyrë nga dritarja apo çatia e banesave. Në cilësinë e provës materiale janë sekuestruar një shumë parash prej 1600 euro. Plaçkitën 4 banesa, një market dhe një farmaci

Tiranë- Policia e kryeqytetit ka çmontuar sot (7 Shkurt) një bandë plaçkitjesh në biznese dhe banesa. Aksioni u krye nga Komisariatet e Policisë Nr. 4 dhe Nr. 1, i koduar “Shadow Hunt”, teksa grupi u tradhtua nga pamjet e kamerave të sigurisë..

Dy personat e dyshuar akuzohen për vjedhje të banesave dhe të marketeve në seri. Të arrestuarit janë Endri Guzja, 34 vjeç dhe Olsen Lala, 38 vjeç.

Zbardhen dhe dokumentohen 6 raste të vjedhjeve, që dyshohet se janë kryer nga të arrestuarit gjatë 5 javëve të fundit, duke nisur nga 29 dhjetori, deri më 2 shkurt. 

"Shërbimet e Komisariatit të Policisë Nr. 4 në bashkëpunim me Komisariatin e Policisë Nr. 1, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si dhe në bazë të provave të grumbulluara, organizuan dhe finalizuan operacioni policor të koduar “Shadow Hunt”, në kuadër të cilit u bë arrestimi në flagrancë i shtetasve: E. G., 34 vjeç, banues në Bulqizë dhe O. L., 38 vjeç, banues në Tiranë", njoftoi policia.

Pasi studionin vendet dhe banesat që vidhnin, ata vepronin në orët e vona të natës, duke hyrë nga dritarja apo çatia e banesave. Në cilësinë e provës materiale janë sekuestruar një shumë parash prej 1600 euro, të cilat kanë rezultuar të vjedhura në banesat e lartpërmendura. 

"Vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jenë të implikuar këta shtetas. Materialet i kaluan Prokurorisë, për veprime të mëtejshme", sqaroi policia.

Gjithashtu u shpërndanë pamjet e momenteve kur hajdutët vepronin, të kapura nga kamerat e sigurisë dhe që janë një element i rëndësishëm për hetimin.

Vjedhjet e kryera nga të dyshuarit: 
– Më datë 29.12.2024 kanë vjedhur një shumë parash në banesën e shtetasit M. N.
– Më datë 12.01.2025 kanë vjedhur një shumë parash në banesën e shtetasit H. M.
– Më datë 22.01.2025 kanë vjedhur artikuj të ndryshme në marketin e shtetases M. K.
– Më datë 24.01.2025 kanë vjedhur disa sende me vlerë në banesën e shtetasit O. P.
– Më datë 27.01.2025 kanë vjedhur një shumë parash në banesën e shtetases L. H.
– Më datë 02.02.2025 kanë vjedhur shumën prej 7000 euro në farmacinë e shtetasit D. J.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

Zamira e ‘Çadrës’ flet në podkastin e Ramës: Pranova ftesën tuaj sepse nuk më luftuan kur u zgjodha dekane, edhe pse isha e djathtë

Zamira e ‘Çadrës’ flet në podkastin e Ramës: Pranova ftesën tuaj sepse nuk më luftuan kur u zgjodha dekane, edhe pse isha e djathtë

15 Mars, 15:05