TIRANE- Persona ende të paidenfikuar kanë goditur me sende të forta administratorin dhe editorin e portalit online “Pamfleti.net” Gjergj Zefi.
Ngjarja është shënuar pasditen e 3 tetorit 2023, në rrugën “Bardhok Biba” në Tiranë dhe policia u informua për dhunën përmes një telefonate në sallën operative.
Nga informacionet e para ai është sulmuar me sende të forta sapo ka dalë nga zyra.
Policia informon se Zefi është dërguar në spital për të marrë ndihmën mjekësore ndërsa një grup hetimor nën drejtimin e prokurorisë po punon për të sqaruar rrethanat e ngjarjes, identifikimin dhe kapjen e autorëve. Redaksia e Shqiptarja.com dhe Report TV denojne me force intimidimin dhe dhunen e ushtruar ndaj gazetareve per shkak te ushtrimit te detyres nga ana e tyre.
Në një reagim në facebook Zefi thotë se ky sulm është vijim i presionit që i bëhet atij.
“Gjithkush që mendon se mund të më mposhtë në luftën time për të vërtetën: Gabon! Kurrë dhe për asnjë arsye nuk tërhiqem. Çdo sulm ndaj meje, më motivon më shumë në rrugën për të vërtetën në këtë vend. U përpoqët me presione dhe nuk ja arritët; u përpoqët me gjyqe, nuk ja arritët; u përpoqët të më denigroni dhe të më tërhiqni në prehrin e tallavasë, prapë nuk arritët; më sulmoni si cubat të fshehur pas makinave; nuk do ja arrini kurrë dhe për asnjë arsye.Nuk kam as frikë e as droje; cubat godasin pas shpine, trimat dalin përballë.Jam shumë më i fortë se ju mendoni”, shkruan Zefi në facebook.
Në faqen e online të portalit.
Njoftimi i policise
Më datë 03.10.2023, nga një telefonatë në Sallën Operative është marrë njoftim se në rrugën "Bardhok Biba", persona të paidentifikuar kanë goditur me sende të forta një shtetas.
Pas verifikimeve të kryera ka rezultuar se personi i dëmtuar është shtetasi Gj. Z., 52 vjeç (administrator i një portali), i cili aktualisht po merr ndihmën mjekësore.
Me marrjen e njoftimit, është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
Partia Demokraike ka dënuar dhunën e ushtruar ndaj gazetarit Gjergj Zefi, ditën e djeshme në Tiranë.
Në një deklaratë për mediat, zëdhënësja e PD-së Mirela Karabina ka dënuar sulm ndaj fjalës së lirë dhe u ka bërë thirrje Policisë dhe Prokurisë për të vënë para drejtësisë sa më shpejt autorët e këtij akti të rëndë.
“Sulm ndaj fjalës së lirë! Mbrëmë ka ndodhur një ngjarje e rëndë ku gazetari Gjegj Zefi është goditur pas shpine, pasi po dilte nga zyrat e punës.
Për një vend që aderon për t’ju bashkuar institucionalisht Bashkimit Europian, goditja ndaj fjalës së lirë është e papranueshme dhe dëmton imazhin e Shqipërisë.
Partia Demokratike dënon këtë sulm ndaj fjalës së lirë dhe nxit, inkurajon e mbështet Policinë e Shtetit dhe Prokurinë për të vënë para drejtësisë sa më shpejt autorët e këtij akti të rëndë.
Ngjarje të tilla janë një tjetër tregues i përkeqësimit të lirisë së mediave në Shqipëri, veçanërisht gjatë viteve të fundit.”-tha zëdhënsja e Pd-së.
Presidenti Bajram Begaj ka dënuar dhunën e ushtruar ndaj gazetarit Gjergj Zefi, ditën e djeshme në Tiranë.
Përmes një postimi në “Facebook”, Begaj ka kërkuar nga organet ligjzbatuese që ta ndjekin me vëmendje dhe ta zbardhin sa më parë këtë ngjarje.
“Dënoj dhunën e ushtruar ndaj gazetarit Gjergj Zefi. Dhuna e çdo forme është e papranueshme. Inkurajoj organet ligjzbatuese që ta ndjekin me vëmendje dhe ta zbardhin sa më parë këtë ngjarje”, ka shkruar Begaj.
Komente
Lajme të tjera
-
Si duket Shqipëria në pritje të Vitit të Ri 2025! ‘Report TV’ sjell pamje nga sheshet kryesore
27 Dhjetor, 15:32 -
Kamëz/ Kërcënoi gruan dhe fëmijët se do i digjte me benzinë! Më pas i vuri flakën banesës, arrestohet 54-vjeçari (EMRI)
27 Dhjetor, 14:48 -
Trafiku i rënduar në Tiranë/ Eksperti në Report Tv: Duhet plan i studiuar! Disa akse si rruga e Dibrës të bëhen me një sens
27 Dhjetor, 14:36 -
Nën akuzë për korrupsion në zgjedhjet e 6 marsit 2022, SPAK kërkon 1 vit burg për kryebashkiakun e Rrogozhinës, Edison Memolla
27 Dhjetor, 14:09
-
I mori 8 mln lekë pacientes me COVID, Gjykata dënon me 4 vite burg për mashtrim sanitaren Tire Alldervishi, të pafajshëm infermierët (EMRAT)
27 Dhjetor, 13:42 -
Kush i dha ‘anonimit’ informacione konfidenciale të Aviacionit Civil për të sulmuar Erjon Veliajn? SPAK: Po hetojmë për korrupsion dhe fshehje pasurie
27 Dhjetor, 13:17 -
Zgjedhjet 2025/ KQZ teston 'PER', platformën për votuesit jashtë Shqipërisë! Celibashi: Llogarinë mund ta krijojë kushdo, nëse përmbushen kushtet regjistrohesh si zgjedhës
27 Dhjetor, 08:55 -
Historike/ Egnatia mposht 2-0 Kukësin dhe fiton Superkupën e Shqipërisë, rrogozhinasit bëjnë ‘tripletë’ trofesh! Largohet Çela (VIDEO)
26 Dhjetor, 21:02 -
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor, 20:35 -
Dosja 5D, SPAK mbyll hetimet dhe dërgon për gjykim ish-drejtorët e Bashkisë Tiranë! Kompania gjatë 2016-2022 fitoi 12 tendera dhe përfitoi rreth 2 mlionë euro
26 Dhjetor, 15:36 -
Tiranë, përplasi me makinë policin e Patrullës që ishte në shërbim, arrestohet 21 vjeçari
26 Dhjetor, 13:25 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23
Ne rast se doni me e zbuluar se kush e dhunoj gazetaren e pamfletit pyeteni Gjergj Lucen , mos u fshihni pas gishtit , turp
PërgjigjuPer dhunen ndaj gazetarit te pamfletit Gjergj Zefi pyetni ne rast se doni me zbuluar te verteten Gjergj Lucen , mos u fshihni pas gishtit turp !
Përgjigjume gjithe ato qe ka publikuar mund ta kish ngrene me keq. po policia eshte e lidhur me krimin mor cun
PërgjigjuNjë çikë kujdes edhe duhet pasi këta të Ediotit jo vetëm të rrahin si Saliu por të kijnë edhe në thybë.
PërgjigjuKy është gjobaxhi.Këtë punë bëjnë edhe një tufë portalesh të tjerë.
PërgjigjuKy Zefi, pak e ka dajakun, dhe zëntë mend më këtë që i ndodhi, sepse është shpifës dhe gjobaxhi. Të gjithë kështu e njohin. Të "ngrihet media" thotë dikush! Po cila media? Ajo e llumit, silikonit, nuditetit, korrupsionit!? Cila?
PërgjigjuNuk kam simpati per Zefin por nese mediat dhe gazetaret nuk reagojne fort duke kerkuar ndeshkimin shembullor ndaj autoreve atehere kjo shoqeri po shkon drejt legalizmit te dhunes dhe ndergjegjes te piset. Po kthehemi pas ne kohe dhe kjo eshte e frikshme.
PërgjigjuKy individ u vendos gjoba bizneseve dhe mbron bandat, as ka lidhje fare me gazetarine dhe me median, cdo transaksion e ben ne te zeze dhe ben evazion fiskal si ka mundesi qe shteti e lejon te veproje?
PërgjigjuI pathyeshëm! Edhe në vitet e para të pluralizmit SHIK i atëhershëm ushtroi dhunë fizike ndaj tij dhe A. Krajës kur botonin gazetën Lajmëtari.
Përgjigju