TiRANE- Një zjarr ka përfshirë një pikë karburanti në zonën e Lundrës. Dy zjarrfikëse mbërritën në vendngjarje dhe po punojnë për neutralizimin e flakëve.
Nga të dhënat e para nuk raportohet për persona të lënduar nga zjarri por vetëm dëme materiale.

Ende nuk dihen shkaqet e zjarrit ndërkohë që forcat e policisë kanë nisur hetimet.

Ndërsa një një banesë dykatëshe është përfshirë nga flakët në orët e vona të natës në fshatin Mner i Sipërm. Mësohet se gjatë rëniës së zjarrit në banesë ndodheshin 7 pjestarë të familjes por fatmirësisht vetm një grua ka marrë plagë të lehta dhe është transportuar drejt spitalit për ndihmë mjekësore, ndërsa familjarët janë ndihmuar edhe nga fqinjët e tyre.

Sipas të dhënave të para dyshohet se në fillim është djegur kasollja më pas edhe banesa, mësohet se shtëpia dykatëshe është në pronësi të shtetasit Shaban Hajdini. Ende nuk dihet shaku i vërtetë i zjarrit ndërsa forcate policisë kanë nisur hetimet.


Redaksia online
(d.d/shqiptarja.com)