Tiranë/ Zbulohet një magazinë me kanabis në zonën e Selitës, 2 persona të arrestuar (VIDEO)

Agjentët e Komisariatit nr. 2 dhe Antidrogës në një magazinë 2 katëshe në rrugën “Hamdi Pepa”, në Selitë, Tiranë, ditën e sotme ka zbuluar se kultivoheshin bimë narkotike, me anë të llambave.

Sipas informacioneve të Report Tv, magazina është shtetërore, ku kati i parë është në përdorim të ASHK.

Dyshohet se magazina përdorej prej një kohe të gjatë për kultivimin e drogës, ndërsa 2 persona janë arrestuar.

Ka qënë një person i cili ka ardhur për të parë magazinën e katit të parë të Kadastrës, ndërsa kur ka parë katin e dytë mbushur me drogë ka lajmëruar ministrin e Brendshëm Ervin Hoxha dhe Hoxha më pas ka lajmëruar Ilir Prodën.

Njoftimi i Policisë:

Tiranë/Informacion paraprak

Gjatë orëve të para të mëngjesit, shërbimet e Komisariatit të Policisë Nr. 2 kanë ndërhyrë në ambientet e një magazine të vjetër dykatëshe, në rrugën “Hamdi Pepa”, Selitë, ku nga informacionet e siguruara nga inteligjenca policore, dyshohej se kultivoheshin bimë narkotike, me anë të llambave.

Nga kontrollet, në katin e dytë të këtij objekti, i cili nga verifikimet rezulton i privatizuar nga shtetasit A. C., K. K. dhe V. S., shërbimet e Policisë gjetën të kultivuara në vazo plastike, 105 bimë të dyshuara narkotike Cannabis Sativa.

Për rastin janë shoqëruar në ambientet e Policisë, disa shtetas, ndërkaq një grup i posaçëm hetimor po punon në vendngjarje, për të zbardhur dhe dokumentuar ligjërisht, rrethanat.

Në përfundim të veprimeve procedurale do të japim njoftim të detajuar për këtë rast

Lajm në përditësim..

Rendit zhvillimet sipas orarit:

Të Fundit Të Parat

S.B/Shqiptarja.com

TAG:
• kanabis
• Tirane
• selite