Një i ri nga Laçi që lëvizte me automjet në zonën e “Kodrës së Diellit” në kryeqytet, i iku efektivëve sapo i bënë shenjë të ndalojë automjetin, ndërsa para se të braktiste makinën, hodhi në tokë një armë pistoletë që kishte me vete.
Shoferi 27-vjeçar, Arnold Isufi rezulton i arrestuar edhe në vitin 2018 në Itali për drogë
Në të njëjtin vend, policia arriti të ndalojë 2 persona që qarkullonin me një automjet tjetër dhe që gjithashtu nuk iu bindën urdhrit për të ndaluar.
Edhe shoferi i automjetit në fjalë është një 27-vjeçar nga Laçi, Endrit Poçaj, i cili do të hetohet në gjendje të lirë bashkë me pasagjerin, një 31-vjeçar nga Tirana, Endrit Aliaj, të cilit gjatë kontrollit fizik iu gjet municion luftarak.