POP 5

Lajmet më të lexuara të 5 minutave të fundit

Kronikë

Tiranë/ I mituri sulmon me thikë dy 17-vjeçarët pas sherrit, njëri lëndohet! Pesë të arrestuar për plagosje, vjedhje dhe të dehur në timon

Përplasja mes tre të miturve përfundon në përgjakje, policia ndalon 15-vjeçarin. Aksionet e tjera; kapet i kërkuari për plagosje, dy shoferë ishin të dehur

Tiranë/ I mituri sulmon me thikë dy 17-vjeçarët pas sherrit, njëri lëndohet! Pesë të arrestuar për plagosje, vjedhje dhe të dehur në timon

Foto ilustruese

Tiranë- Një përplasje mes tre të miturve përfundoi në plagosjen e dy prej tyre, pas një sherri me motive të dobëta në kryeqytet.

Policia e Tiranës bëri me dije se specialistët për Hetimin e Krimeve të Komisariatit të Policisë Nr. 2, arrestuan një 15-vjeçar, emri i të cilit nuk u publikua për shkak të moshës. Gjatë grindjes dhe konfliktit fizik, ai akuzohet s eka sulmuar me mjet prerës dy të mitur të moshës 17 vjeç.

“Njëri prej tyre ndodhet në spital, në kujdesin e mjekëve, ndërsa tjetri pas ndihmës mjekësore është larguar nga spitali”, sqaroi policia.

Një grup hetimor u ngrit për rastin dhe po verifikohen shkaqet e sherrit mes tre të miturve dhe nëse ka persona të tjerë të implikuar. Gjithashtu po merren në pyetje i plagosuri dhe shoku i tij.

Po ky komisariat njoftoi se ka ndaluar edhe D. B., 39 vjeç, banues në Tiranë, për veprën penale "plagosja e rëndë me dashje", por pa specifikuar detaje rreth krimit të kryer prej tij.

Edhe Komisariati nr. 4 njoftoi ndalimin e një 49-vjeçari me inicialet A. D., banues në kryeqytet, sepse akuzohet se ka vjedhur një aparat celular, në një dyqan në “Rrugën e Dibrës”. Kurse specialistët e Komisariatit të Policisë Rrugore, arrestuan shtetasit A. A., 54 vjeç, banues në Tiranë, dhe Sh. K., 30 vjeç, banues në Shijak, pasi u kapën duke drejtuar automjetet përkatëse, në gjendje të dehur.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident pranë Kishës së Laçit, Porsche bie nga lartësia 70 metra! Lëndohet rëndë çifti dhe dërgohen te Trauma (EMRAT)

Aksident pranë Kishës së Laçit, Porsche bie nga lartësia 70 metra! Lëndohet rëndë çifti dhe dërgohen te Trauma (EMRAT)

11 Janar, 21:49 nga Elvis Hila