POP 5

Lajmet më të lexuara të 5 minutave të fundit

Kronikë

Tiranë/ Shantazh me 20 mijë euro për të mos i publikuar foto e video intime, arrestohen 3 persona! Mes tyre dhe një femër (EMRAT)

Policia e Tiranës njoftoi se ka finalizuar operacionin me metoda proaktive dhe dorëzim të kontrolluar operacionin e koduar “Shtrëngimi”. Gjobitën të riun që të mos i publikonin foto dhe video intime, por ai i denoncoi dhe kërkoi ndihmën e bluve. Arrestimet, kur po jepeshin paratë

Foto ilustruese

Tiranë- Kanosën një 36-vjeçar që t’u jepte 20 mijë euro për të mos i publikuar foto dhe filmime me përmbajtje intime, identifikohen dhe arrestohen 3 persona të dyshuar.

Të arrestuarit janë dy djemtë Sindrit Spata, Arsid Moriqi dhe vajza Moisola Shega, si bashkëpunëtore e tyre. Spata ishte arrestuar që prej datës 24 Tetor të këtij viti, gjatë dorëzimit të parave.

Policia e Tiranës njoftoi sot (6 Dhjetor) se ka finalizuar operacionin me metoda proaktive dhe dorëzim të kontrolluar, nga Sektori për Hetimin e Krimeve ndaj Pasurisë, në Drejtorinë për Hetimin e Krimeve të Rënda, në Departamentin e Policisë Kriminale, i koduar “Shtrëngimi”.

“Në kuadër të operacionit “Shtrëngimi” u ekzekutuan urdhrat për ndalimin e shtetasve Arsid Moriqi, 29 vjeç dhe Moisola Shega, 26 vjeçe, si dhe më datë 24.10.2024, u arrestua në flagrancë, duke i marrë paratë 36-vjeçarit, shtetasi Sindrit Spata, 23 vjeç”, njofton policia e kryeqytetit.

Nga hetimet dyshohet se autorët e kanë kanosur 36-vjeçarin që t’iu jepte 20 000 euro, “në mënyrë që ata të mos i publikonin fotografi dhe video me përmbajtje intime”.

Pas prangosjes dhe veprimeve paraprake, materialet i kanë kaluar Prokurorisë së Tiranës për veprën penale “shtrëngimi me anë të kanosjes ose dhunës për dhënien e pasurisë”, e kryer në bashkëpunim.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Debati në Report TV/ Juristi Karaj: Meta është ‘kurban i reformës në drejtësi’, e ka kuptuar se ka prova dhe s’është çështje politike! Çaça: PL rrezikon

Debati në Report TV/ Juristi Karaj: Meta është ‘kurban i reformës në drejtësi’, e ka kuptuar se ka prova dhe s’është çështje politike! Çaça: PL rrezikon

7 Janar, 21:58