Operacion anti-drogë në Tiranë, arrestohet për kultivim kanabisi 47-vjeçari në Zall-Bastar! Nën hetim nipi i tij i mitur dhe kryeplaku i fshatit 'Shëngjin i Vogël'

Operacion anti-drogë në Tiranë, arrestohet për kultivim kanabisi 47-vjeçari në Zall-Bastar! Nën hetim nipi i tij i mitur dhe kryeplaku i fshatit 'Shëngjin i Vogël'

Foto ilustruese

TIRANË- Një 47-vjeçar është vënë në pranga të policisë së Tiranës, në kuadër të operacionit ‘Shëngjin i Vogël- Zall Bastar’ nga blutë e kryeqytetit për asgjësimin e lëndëve narkotike.

Policia njofton se ka prangosur Ferid Dedejn, 47-vjeç nga Qafëmolla, si dhe ka proceduar penalisht 17-vjeçarin A.Dedej dhe Abaz Gjediku, 53 vjeç, banues në Shëngjin i Vogël njësia Administrative Zall-Bastar, me detyrë kryetar (kryeplak) i fshatit, për veprën penale “shpërdorim detyre”.

Ndalimi shtetasit Ferid Dedej, u bë pasi në bashkëpunim me nipin e tij të mitur A.D (të cilin e ka shtyrë në krim), në vendin e quajtur ‘Shëngjin i Vogël’,  Zall- Bastar, janë autorët e kultivimit të një sasie të bimëve të dyshuar narkotike të llojit “Canabis Cativa”, me lartësi deri në 1.5 metër, nga të cilat u asgjësuan, në vendin e ngjarjes, me anë të djegies.

Në vijim të veprimeve procedurale gjatë kontrollit banesës së shtetasit Ferid Dedej, janë gjetur dhe sekuestruar në cilësinë e provës materiale: 3 (tre), radio marrëse dhënëse, që përdoreshin nga autorët gjatë kohës që shërbenin në parcele, 1 (një), armë e ftohtë thikë, 4 (katër), telefona celularë dhe disa veshje që shtetasit, kanë përdorur për t’u kujdesur për bimët narkotike .

Materialet iu referuan Prokurorisë Pranë Gjykatës së Shkallës së Parë Tirane, për veprat penale “Kultivim i bimëve narkotike” kryer në bashkëpunim, “shtytje të miturit në krim”, “prodhimi dhe mbajtja pa leje e armëve të ftohta”, “prerje paligjshme e pyjeve”, “shpërdorim detyre” parashikuar nga nenet 284/2 , 248, 279, 205, dhe 129 të Kodit Penal.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS

Blerina Bala merr drejtimin e Bashkisë së Himarës! Bashkëshorti këshilltar ‘bojkoton’ votimin! Votat që opozita bashkoi me PS